Хотын нийтийн төв номын сангийн Албан бичиг, Имэйлүүд

Гаалийн ерөнхий газарт

2011-06-08T17:48:00.000+08:00

2011.06.06
52 тоот

Тус номын сан нь Билл болон Меланда Гейтсийн сангийн санхүүгийн дэмжлэгтэй харааны бэрхшээлтэй хүмүүст зориулан Дейзи форматтай дижитал ярьдаг номын төв байгуулаад ажиллаж байна. Энэ төслийн хүрээнд өмнө нь авсан BookSense төхөөрөмж нь гэмтэлтэй байсан тул нийлүүлэгч Солонгосын НIMS Co.Ltd компанид буцааж илгээн засуулан авч байгаа юм.

Иймд одоо ирсэн 6 Booksense төхөөрөмжийг Гаалийн тариф, гаалийн татварын тухай хуулийн 38.1.1, Нэмэгдсэн өртгийн албан татварын тухай хуулийн 3-р бүлгийн 13.1.5-д заасны дагуу татвараас чөлөөлж өгөхийг хүсье.

ЗАХИРАЛ Ө.ГАН-ӨЛЗИЙ

Нийслэлийн засаг даргын орлогч Ц.Цогзолмаа танаа

2011-06-08T17:22:00.002+08:00

2011.05.26
49 тоот

А.М.Горькийн нэрэмжит 1-р номын

сангийн байрыг шилжүүлэх тухай

Тус номын сан нь 1946 онд байгуулагдсан нийслэлийн анхны нийтийн номын сан бөгөөд 1957 онд одоогийн Чингэлтэй дүүргийн 4 дүгээр хорооны Бага тойруугийн 6 дугаар байранд байрлах болж 54 жил энэ байранд үйл ажиллагаагаа явуулж ирсэн.

Номын сангийн энэ байр нь Мэргэжлийн хяналтын байгууллагын удаа дараагийн дүгнэлтээр цаашид үйл ажиллагаа явуулах стандарт шаардлагыг хангахгүй болсон тул 2009 оны 03 дугаар сарын 09-ний өдөр үйл ажиллагааг нь бүрмөсөн зогсоосон.

2009 оноос хойш өнөөг хүртэл тус номын сангийн байрны асуудал шийдэгдэхгүй байсаар байна.

Иймд 1 дүгээр номын сангийн сан номын фонд, материаллаг бааз, орон тоо зэрэг байгаа нөөц боломжуудыг үндэслэн Чингэлтэй дүүрэгт шинээр баригдах номын санд шилжүүлэн үйл ажиллагааг нь нээх арга хэмжээ авч өгнө үү.

ЗАХИРАЛ Ө.ГАН-ӨЛЗИЙ

Сонгинохайрхан дүүргийн мэргэжлийн хяналтын газарт

2011-06-08T17:19:00.000+08:00

2011.05.26
48 тоот

Үйл ажиллагааг хянаж

зохицуулах тухай

Өнөр хорооллын 2 дугаар бичил төвд байрлах тус номын сангийн харьяа Сонгинохайрхан дүүрэг /СХД/ дэх салбар 4 дүгээр номын сан нь тус дүүргийн болон Баянгол дүүргийн хүн амын боловсрол, соёл мэдээллэл, чөлөөт цагийн эрэлт хэрэгцээг хангахад чиглэгдсэн номын сангийн үйлчилгээг 20 дахь жилдээ үзүүлж байна.

Манай номын сангийн подвальд “Золхайрхан” ХХК-ийн “Стелла” нэртэй баар үйл ажиллагаа явуулж байгаа нь баарны чанга дуу чимээ, тамхины утаа, архины үнэр орж ирэн үйлчилгээ явуулах боломжгүй болгож байна. Бид уншигч хэрэглэгчдийн тав тухыг хангах, тамхины утааг нь гаргах зорилгоор цонхоо онгойлгодог боловч баарнаас гарсан хүмүүсийн орчин тойрныг бохирдуулсан элдэв үнэр нь эргэж үнэртдэг.

Мөн тус баар нь ачааллаа байнга хэтрүүлэн цахилгааны гэмтэл гарган манай автоматыг буудуулдгаас тог тасарч номын сангийн үйлчилгээнд хүндрэл учруулдаг. Дээрх асуудлаар удаа дараа шаардлага тавьж мэдэгдэж байсан боловч ямар ч арга хэмжээ авахгүй байсаар байна.

Иймд үүссэн нөхцөл байдлыг шалгаж хуулийн хүрээнд шийдвэрлэж өгнө үү.

Хувийг СХД-ийн Орон нутгийн үйлчилгээний хэлтэс, “Золхайрхан” ХХК-д хүргүүлэв.

ЗАХИРАЛ Ө.ГАН-ӨЛЗИЙ

САЛБАРЫН ЭРХЛЭГЧ О.ДОЛГОРСҮРЭН

Нийслэлийн мэргэжлийн хяналтын газарт

2011-06-08T17:14:00.000+08:00

2011.05.23
46 тоот

Танай 2011 оны 04 дүгээр сарын 27-ны өдрийн 06-252/213 тоот албан шаардлагын дагуу төлөвлөгөө гарган зөрчлийг арилгахаар ажиллаж байна. Албан шаардлагын биелэлтийг хавсралтаар хүргүүлэв.

Хавсралт ..... хуудастай.

ЗАХИРАЛ Ө.ГАН-ӨЛЗИЙ

НИЙСЛЭЛИЙН МЭРГЭЖЛИЙН ХЯНАЛТЫН ГАЗРЫН

УЛСЫН БАЙЦААГЧИЙН АЛБАН ШААРДЛАГЫН

МӨРӨӨР ХИЙСЭН АЖИЛ

2011.05.23

д/д	Хийгдэх ажил	Хариуцах эзэн	Гүйцэтгэл
1	Тус номын сангийн уншлагын танхимуудад иж бүрэн засвар, тохижилт хийлгэх хөрөнгийн асуудлыг шийдүүлэх	Ц.Сарантуяа	Урсгал засварын төсөв төсөвлөгдөөгүй тул засвар тохижилт хийх боломжгүй байгаа бөгөөд нэн шаардлагатай урсгал засварын төсвийг гарган 2011 оны төсвийн тодотголд оруулах саналаа БСШУЯ, Нийслэлийн төрийн сан болон бусад холбогдох газруудад албан бичгийн хамт хүргүүлсэн болно.
2	Үндсэн фонд байгаа зоорийн давхарт засвар хийлгэн, агаар солилцооны системийг ажиллуулан, ариутгаж халдваргүйжүүлэн мөөгөнцөр ургалтыг таслан зогсоох	Н.Шинэгэрэл
3	Анхны төлөвлөлтийн дагуу уншлагын А, Б танхимыг ажиллуулан, вестибюлийг зориулалтаар нь ашиглах	Ч.Алтанцэцэг	Одоо уншлага үйлчилгээний оргил цаг үе явагдаж байгаа тул 06 дугаар сарын 15-аас үйлчилгээ нэг ээлжээр ажиллах үед зохицуулалт хийнэ. Төлөвлөлт хийгдэж байна.
4	Шавьж мэрэгчийн устгалын компанитай гэрээ хийж, жилд 2 удаа ариутгал халдваргүйжүүлэлт хийлгэх	Н.Шинэгэрэл	2011 оны 04 дүгээр сарын 26-ны өдөр шавьж устгалыг хийсэн бөгөөд хоёр дахь удаагийн шавьж устгалыг 10 дугаар сард хийхээр “Сүүн болор” ХХК-тай гэрээ хийсэн.
5	Ажилчдыг жил бүр эрүүл мэндийн урьдчилан сэргийлэх үзлэг шинжилгээнд хамруулж, ажилчдыг эрүүлжүүлэх арга хэмжээ авах	Г.Отгонжаргал	ҮЭ-ийн хамтын гэрээний 6.6-д заасны дагуу Хавдар судлалын Үндэсний төвд 8 төрлийн нарийн мэргэжлийн эмчид үзүүлсэн. Нийт 63 ажиллагсад хамрагдсан болно.
6	Уншлагын танхим болон номын фондын бичил цаг уурыг эрүүл ахуйн нормын хэмжээнд болгоход шаардлагатай ажлыг зохион байгуулах	Б.Нацаг Н.Шинэгэрэл	Фондод шаардлагатай чийг дулаан хэмжигчийн тооцоо гарган, Үндэсний архивын газрын дэлгүүрээс 5 ширхэг чийг дулаан хэмжигчийн нэхэмжлэхийг авч санхүүд өгсөн.
7	Төрийн албан хаагчийн үр дүнгийн гэрээ байгуулахдаа Төрийн албаны зөвлөлийн 2007 оны 48 дугаар тогтоолоор батлагдсан “Төрийн албан хаагчийн үр дүнгийн гэрээ байгуулах заавар болон төрийн албан хаагчийн үйл ажиллагааны үр дүн, мэргэшлийн түвшинг үнэлэх журам”-ыг баримтлах	Ө.Ган-Өлзий Тасаг, салбарын эрхлэгчид	Тасаг, салбарын эрхлэгч нарыг оролцуулан комисс байгуулан ажиллаж байна. Менежерийн болон төрийн албан хаагчийн үр дүнгийн гэрээний биелэлтийг шалгах шалгуур үзүүлэлтүүдийг Төрийн албаны зөвлөлийн 48-р тогтоолоор батлагдсан журмыг үндэслэн номын сангийн үндсэн үйл ажиллагаа болон тухайн жилийн зорилт, үйл ажиллагааны төлөвлөгөө, ажилтнуудын ажил үйлчилгээний онцлогтой уялдуулан гаргасан.
8	Үр дүнгийн гэрээг дүгнэхдээ байгууллагын удирдлага оролцсон комисс гаргаж дүгнэх	Ө.Ган-Өлзий
9	Ажил дүгнэх шалгуур үзүүлэлт боловсруулан нийт ажилтнуудын хурлаар хэлэлцэн баталж ажиллах	Ч.Алтанцэцэг
10	Байгууллагын жил, улирлын төлөвлөгөөнд номын сангийн үйлчилгээг сайжруулах, лавлагаа, мэдээллийн үйлчилгээг боловсронгуй болгох талаар тодорхой ажил төлөвлөх	Ч.Алтанцэцэг	Олон улсын жишигт нийцсэн номын сангийн үйлчилгээнүүдийг зохион байгуулах зорилт тавин ажиллаж байна. Үүнд: 2010-2011 онд УБ хот 21 аймгийн харааны бэрхшээлтэй иргэдэд зориулан DAISY цахим ярьдаг номын сангийн үйлчилгээг Монголд анх удаа нэвтрүүллээ. Мөн лавлагаа мэдээллийн үйлчилгээг боловсронгуй болгож мэдээллийн технологид суурилсан үйлчилгээнүүдийг зохион байгуулах ажлыг жил бүрийн төлөвлөгөөнд тусган шат дараатай хэрэгжүүлж байна.Энэ жилийн хүрээнд Койка ОУБ-тай хамтран ““Номын сангийн вэб систем, Цахим уншлагын үйлчилгээ” төслийг хэрэгжүүлж нээлтийн ажиллагааг 5-р сарын 30-нд хийх гэж байна.
11	Алдагдсан номыг чөлөөт сонголттой нөхцөлд хэрхэн шийдвэрлэх талаар нийт ажиллагсдын хурлаар хэлэлцэн батлах, журмыг шинэчлэн ажиллах	Б.Нацаг	Алдагдсан номыг чөлөөт сонголттой нөхцөлд шийдвэрлэх талаар Сангийн Сайдын 2007 оны 1-р сарын 10-ны өдрийн 1-р тушаалын 1-р хавсралтыг үндэслэн 2009 оны 12-р сарын 1-ний өдрийн “Номын сангийн өөрийн үйл ажиллагаанаас олсон нэмэлт орлогыг зарцуулах журам”-ын дагуу Захирлын тушаал гарган номын өр авлагыг барагдуулан ажиллаж байна. Цаашид БСШУЯ-наас гарах журмыг үндэслэн ажиллах болно.
12	Чөлөөт сонголтын үйлчилгээний номын ойрын фондод явцын тооллого хийх	Б.Нацаг	2011 оны 4-р сард Чөлөөт сонголттой фондын Түүх, Эдийн засаг, Гүн ухаан ангийн номуудад хяналтын тооллого хийсэн.
13	Номын нөхөн бүрдүүлэлт, сэлбэн засалтын ажлын талаар судалгаа гарган ажиллах	З.Төгсжаргал	Төв болон салбар номын сангуудаас нөхөн бүрдүүлэлтээр авах номын жагсаалтуудыг авч нэгтгэн, нэгдсэн файл үүсгэн түүний дагуу сар бүр ном бүрдүүлэгчийн хамтаар номын зах, худалдаагаар явж, авах номын судалгаа хийж номоо бүрдүүлэн авч байна. Мөн сэлбэн засагдахаар ирж буй номуудыг бүртгэн судалгаа гарган ажиллаж байна.
14	Олон нийтэд үйлчлэх тасгийн үйл ажиллагааг эрчимжүүлэх, уншигч хэрэглэгчтэй зөв боловсон, соёлтой харилцааг эрхэмлэн ажиллах	Б.Нацаг	Тасгийн үйл ажиллагааг эрчимжүүлэх зорилгоор номын санчдын өдөр тутмын ажилд тогтмол хяналт тавин ажиллаж, уншигчидтай зөв боловсон, соёлтой харилцах талаар тасгийн хамт олны хурлаар ярилцлаа. Мөн уншигчид болон номын санчдад сайхан харилцаа буюу сайн Энергийн талаар “Аниргүй чимээ” төвийн сэтгэл зүйч багш Болормааг урьж “Энергийн гайхамшиг” сэдэвт лекцыг зохион байгуулсан. “Манай үйчилгээ” сэдэвт санал асуулгыг нийт 200 хэрэглэгчээс авсан.
15	Олон нийтэд үйлчлэх тасгаас номын сангийн үйлчилгээ, хэрэглэгчийн эрэлт хэрэгцээнд судалгаа хийж, үр дүнд нь тулгуурлан тодорхой ажил зохион байгуулах	Б.Нацаг
16	Олон нийтэд үйлчлэх тасгийн номын санчдын өдөр тутмын ажил үйлчилгээнд хяналт тавьж, үнэлэлт дүгнэлт өгч ажиллах	Б.Нацаг
17	Чөлөөт сонголттой үйлчилгээнээс дутсан номын актад үнэлэлт дүгнэлт өгч, номын алдагдлыг багасгах талаар тодорхой ажил зохиож үр дүнд хүрэх	Б.Нацаг	Номонд тавих хяналтыг сайжруулах зорилгоор дохиоллын хаалгыг шинэчлэн байрлуулах, хяналтын камерыг хянах 2 номын санчийг ээлжээр ажиллуулж, тэднээр уншигчдад номтой зөв харьцах талаар удаа дараа зөвлөмж, санамжийг өгч ажиллснаар ном урах болон номын алдагдал мэдэгдэхүйц хэмжээгээр багасах үр дүнд хүрч байна.
18	Тооллого хийсэн актад дутсан номын үнийн дүнгээс сэлбэн засах боломжгүй гэж ном хасахгүй байх, актад комиссын бүх гишүүд гарын үсгийн баталгаажилтыг бүрэн хийх	Б.Нацаг	Удаа дараа сэлбэн засагдсаар байгаад сэлбэн засагдах боломжгүй болсон номуудыг урагдаж гэмтсэн гэх шалтгаанаар хасаж байхаар шийдэж, актанд оролцсон комиссын гишүүдээр гарын үсгийн баталгаажилтыг бүрэн хийлгэсэн.
19	2007 онд хийсэн тооллогын материалыг эцэслэн боловсруулж, дүн, илтгэх хуудас, актыг үндэслэн дутсан номыг барагдуулах	З.Төгсжаргал Ц.Сарантуяа	2008 онд хийсэн тооллого буюу Чөлөөт сонголтонд шилжих үеийн тооллогын ажлын явц гэвэл орос номын нэгбүрчилсэн сүүлчийн дансыг бодож дуусгах ажил хийгдэж байна. Хагас жилдээ багтаж тооллогын дүн, илтгэх хуудсыг гаргаж, гарсан актын дагуу номын өр төлбөрийг барагдуулж эхлэх болно.
20	Чөлөөт сонголтоос дутсан номыг нөхөн барагдуулах талаар бодитой ажил зохиож байгууллагын хохиролгүй болгох	Ц.Сарантуяа Б.Нацаг	Чөлөөт сонголтоор дутсан номын өр авлагыг бүрэн барагдуулах зорилгоор өр тавигдсан номын санч бүрд ноогдсон төлбөрийг бүрэн хураан авч нөхөн бүрдүүлэлтээр буюу орлуулан авах номын жагсаалтын дагуу ном бүрдүүлэгч, тооцооны няботой хамт явж 45 нэрийн 52ш 530270 төгрөгийн номыг бүрдүүлэн авч техник ажиллагаа хийн уншлаганд шилжүүллээ.

ТАЙЛАН ГАРГАСАН:

ДЭД ЗАХИРАЛ Ч.АЛТАНЦЭЦЭГ

Сүхбаатар дүүргийн засаг дарга Б.Баярмагнай танаа

2011-06-08T17:03:00.000+08:00

2011.04.20
43 тоот

Тус номын сан нь Сүхбаатар дүүргийн өнгө үзэмж, иргэдийн цэвэр, эрүүл таатай орчинг нэмэгдүүлэх зорилгоор гадна орчноо тохижуулах “Эко номын сан, цэцэрлэг” төслийг хүргүүлэв. Төслийг дэмжиж бидний ажилд тусална уу.

Хавсралт...... хуудастай.

ЗАХИРАЛ Ө.ГАН-ӨЛЗИЙ

Нийслэлийн санхүү, төрийн сангийн хэлтэст

2011-06-08T16:57:00.000+08:00

2011.03.30
38 тоот

Төсөвт тодотгол хийлгэх тухай

Тус номын сангийн 2011 оны батлагдсан төсвөөрх нийт зардлын 70,9% нь цалин, Нийгмийн даатгалын шимтгэл, нэг удаагийн тэтгэмжийн зардал, 20,7% нь цахилгаан, дулаан, цэвэр бохир ус зэрэг тогтмол зардал, 6,2% нь ном хэвлэл авах зардал, үлдсэн 2,2% нь шуудан холбоо, тээвэр шатахуун, бичиг хэрэг, аж ахуйн материал авах, төлбөр хураамж бусад зардлууд эзэлж байна. Төсөвт урсгал засвар, эд хогшил худалдан авах зардал төсөвлөгдөөгүй байна.

Тус номын санд сүүлийн 10 жил барилга, сантехникийн засвар хийгдээгүйн улмаас сантехникийн шугам хоолойнууд элэгдэж цоорсон, аваарын байдалтай байгаа төдийгүй төв болон салбар номын сангуудын хаалга цонх муудсан тул барилгын болон сантехникийн засварын төсвийг 2011 оны төсвийн тодотгол болон хөрөнгө оруулалтын төлөвлөгөөнд оруулж өгнө үү.

Мөн Горькийн нэрэмжит 1 дүгээр салбар номын сангийн байрны асуудлыг шийдвэрлэж өгч бидний ажилд туслалцаа үзүүлнэ үү.

ЗАХИРАЛ Ө.ГАН-ӨЛЗИЙ

Энэхүү бичгийн хувийг Нийслэлийн өмчийн харилцааны газар, Нийслэлийн соёл урлагийн газар тус тус өгсөн болно.

Нийслэлийн засаг дарга бөгөөд Улаанбаатар хотын захирагч Г.Мөнбаяр танаа

2011-06-08T16:53:00.000+08:00

2011.03.17
29 тоот

Номын сангийн дүрэмд нэмэлт

өөрчлөлт оруулах тухай

Тус номын сан нь 1980 онд байгуулагдсан, 4 салбар номын сан, 3 тасаг, 80 гаруй ажилтантай нийслэлийн соёл, боловсрол, мэдээллийн томоохон байгууллага юм.

Номын сан нь сүүлийн жилүүдэд гадаад, дотоодын байгууллагын дэмжлэг тусламжтайгаар 10 гаруй хөтөлбөр төсөл хэрэгжүүлж номын сангийн шинэлэг үйлчилгээг нэвтрүүлэн, үйл ажиллагаагаа дэлхийн нийтийн номын сангийн жишигт хүргэх зорилт тавин ажиллаж байна.

Номын сангийн үйлчилгээний хүрээ өргөжин тэлж байгаатай холбогдуулан ажлын байрны орон тоог нэмэгдүүлэх зайлшгүй шаардлагатай байна. Иймээс Монгол улсын “Номын сангийн орчны нөхцөл, үйл ажиллагаанд тавигдах шаардлага” MNS5742:2007 стандарыг/хавсралт F/ үндэслэн тус номын сангийн дүрэм /Нийслэлийн засаг даргын 572 тоот захирамжийн 2 дугаар хавсралт/-д зохих журмын дагуу нэмэлт өөрчлөлт оруулж, дараах орон тоог баталж манай ажилд гүн туслалцаа үзүүлнэ үү.

Саналыг хавсралтаар хүргүүлэв.

Хавсралт ...... хуудастай.

ЗАХИРАЛ Ө.ГАН-ӨЛЗИЙ

1. Хүний нөөц, хуулийн ажилтан

Шаардлага - Энэ чиглэлээр их дээд сургууль төгссөн, бакалаврын зэрэгтэй. Англи хэлний мэдлэгтэй байх.

Хүний нөөцийн асуудал бол манай номын сангийн гол тулгуур хүчин зүйлсийн нэг юм.

Ажлын байрны зорилго нь : Байгууллагынхаа хүний нөөцийн удирдлага, хөгжлийн асуудлыг шийдвэрлэх, хууль, эрхзүйн хэрэгжилтийг хангуулах, гэрээ хэлцэл байгуулахад эрх зүйн зөвлөгөө өгөх, үйл ажиллагааны үр нөлөө, үр ашгийг дээшлүүлэх, нэгжүүдийн ажлын уялдаа холбоог сайжруулах, ажлаа тайлагнах, хариуцлага тооцох, үр дүнг үнэлэн дүгнэх, урамшуулах тогтолцоог боловсронгуй зэрэг асуудлыг шийдвэрлэх

Хүний нөөц, хуулийн ажилтан нь дараах ажил үүргийг гүйцэтгэнэ. Үүнд:

Нэгдүгээрт.

1.1. Байгууллагын үйл ажилллагаатай холбоотой хууль, эрхзүй, гэрээ хэлэлцээр,

шаардлагатай баримт бичгийн эхийг бэлдэх, хянах, зохицуулалтыг хийх

1.2. Удирдах дээд байгууллагын тогтоол, тушаал, шийдвэр төлөвлөгөөний

биелэлт, хэрэгжилтэд дотоод хяналт тавих, гүйцэтгэлийг гаргуулан нэгтгэж

удирдлагад болон холбогдох байгууллагад тайлагнах,

1.3. Номын сангийн үйл ажиллагаатай холбогдсон хууль, дүрэм тогтоолын төсөлд

санал боловсруулж оруулах ажлыг зохион байгуулах,

1.4. Байгууллагын үйл ажиллагаанд мөрдүүлэх дүрэм, журам, хамтын гэрээ,

хөдөлмөрийн гэрээ, бусад шийдвэрийг боловсруулж, батлуулан биелэлтэд

хяналт тавих, байгууллагын эрх ашгийг хуулийн хүрээнд хамгаалах,

Хоёрдугаарт.

2.1. байгууллагын хүний нөөцийг төлөвлөх, бүрдүүлэх, хэрэгцээ шаардлагыг тодорхойлох,түүнд нийцүүлэн бүтэц зохион байгуулалт, хүний нөөцөөр хангах

2.2. байгууллагын соёлыг төлөвшүүлэхтэй холбоотой бодлого тогтолцоог төгөлдөршүүлэх

2.3. ажилтнуудын албан тушаалын ангилал, зэрэглэл, зэрэг дэв шагнал урамшуулал,

2.4. нийгмийн асуудлыг нийгмийн асуудлыг шийдвэрлэх зэргээр байгууллагын хүний нөөцийн удирдлагын өдөр тутмын ажил үйлчилгээг зохион байгуулна.

2.5. номын сангийн дэргэдэх ахмадын хороонд дэмжлэг үзүүлэх, ахмадуудтай

холбоотой ажлыг зохион байгуулан ажиллах

2. Номын сангийн ном бүрдүүлэгч

Шаардлага - номын санч мэргэжилтэй, бакалаврын зэрэгтэй. Уйгаржин бичиг, англи хэлний мэдлэгтэй байх

Нийтийн номын сангийн хэрэглэгчдийн эрэлт хэрэгцээг хангах гол эх булаг бол фонд бөгөөд хэрэглэгчдийн боловсрол , мэдээлэл чөлөөт цаг, бие хүний хөгжлийн хэрэгцээг хангасан ном хэвлэл бусад материалаар баяжигдсан байх ёстой ба бүрдүүлэлт нь тасралтгүй явагддаг.

Ажлын байрны зорилго нь: Номын сангийн үүрэг зорилтод нийцүүлэн төв болон салбар номын сангийн нэгдсэн фондын бүрдүүлэлтийн ажлыг төлөвлөгөөтэй шинжлэх ухааны үндэслэлтэй зохион байгуулах

Ном бүрдүүлэгч нь дараах ажил үүргийг гүйцэтгэнэ. Үүнд:

Нэгдүгээрт.

1.1. Төв болон салбар номын сангуудын фондын бүрдүүлэлтийн ажлыг төлөвлөх, сэдэв төрлийн төлөвлөгөө гаргах

1.2. Төвлөрсөн номын сангийн фондын агуулга, бүтэц ашиглалт, уншигч үйлчлүүлэгчдийн бүрэлдэхүүн, эрэлт хэрэгцээ сонирхолыг судлах, үйлчилгээний хүрээн онцлогийг тогтоох

1.3. Фондыг номын сангийн зорилт, чиглэлд нийцүүлэн нийгмийн бүх гишүүдийн мэдээллийн эрэлт хэрэгцээг хангасан фондыг бүх төрлийн форматаар бүрдүүлэх, цаг үеийн ба нөхөн бүрдүүлэлтийгзохион байгуулах

1.4. Ном авах жилийн төсвийн хуваарийг гаргах, ном авах төсвийг үр дүнтэй зарцуулах

1.5. Тогтмол хэвлэлийн захиалга хийх

1.6. Бүрдүүлэлтээр авсан номыг ангилах

Хоёрдугаарт.

2.1. Ном бүрдүүлэлтийн ажлын тайлан мэдээг гаргах

2.2. Ном бүрдүүлэлтийн ажлын талаар номын сангийн захиргаанд сонсгол

тавих, санал дүгнэлт оруулах

2.3. Төв болон салбар номын сангууд бүрдүүлэлтээр авсан ном болон бусад

материалыг салбарын үндсэн данс бүртгэлд бүртгэсэнд хяналт тавих

2.4. Номын сангуудад хяналтын тооллого хийх

2.5. Каталог, картын санг шалгах

2.6. Данс бүртгэлүүдийн хадгалалт хамгаалатанд хяналт тавих

2.7. Данснаас хасах шийдвэр гарсан ном хэвлэлийг үндсэн данс бүртгэлээс хасах

3. DAISY цахим номын төвийн мэргэжилтэн

Шаардлага - хараагүй болон тахир дутуу иргэдийн тусгай /adaptive/ тоног төхөөрөмжийн олон улсын сургалтанд хамрагдсан байна.

Ном хэвлэл, мэдээллийн эх сурвалжийг хэвлэмэл байдлаас DAISY стандартаар хөрвүүлэн цахим ярьдаг номыг бүтээн харааны бэрхшээлтэй хүмүүст хүргэж , мэдээлэл хүртээмжтэй хүлээн авах боломжоор хангах DAISY студийг 2010 онд төслийн хүрээнд байгуулсан.

DAISY гэж юу вэ?

D - Digital

A - Accessible

I - Information

SY - System гэсэн үг ба эдгээрийг орчуулбал

Мэдээллийг хүртээмжтэй хүлээн авах тоон систем гэсэн үг юм.

Ажлын байрны зорилго нь: Хараагүйчүүдийн номын сангийн DAISY студи болон компьютер, тусгай тоног төхөөрөмжүүдийн хэрэглээ, ашиглалтыг харицан ажиллаж дараах ажил үүргийг гүйцэтгэнэ. Үүнд:

1. Хараагүй хүмүүст зориулсан компьютерийн программ хангамж болон тусгай тоног төхөөрөмжийн сургалтыг зохион байгуулж хэрэглэгчдэд эзэмшүүлэх

2. DAISY студийг хариуцан ажиллаж хараатай уншигчийн уншсан ном хэвлэл, бусад мэдээллийг DAISY форматаар хөрвүүлэн хянаж DAISY ном бүтээх

3. DAISY зөөврийн ном сан ажиллуулах

4. Booksense төхөөрөмжийн бүрэн бүтэн байдлыг хариуцах

5. DAISY цахим ярьдаг номын төвд хэрэглэгдэж байгаа компьютер түүний тусгай ярьдаг болон дэлгэц томруулагч программ хангамж болон бусад ярьдаг төхөөрөмжүүдийн хэвийн ажиллагаа, засвар үйлчилгээг бүрэн хариуцах

6. Харааны бэрхшээлтэй хүмүүст зориулсан орчин үеийн мэдээллийн техник технологийг номын сангийн үйлчилгээнд нэвтрүүлэх

4. Маркетингийн менежер

Шаардлага - Маркетингийн чиглэлээр их дээд сургууль төгссөн бакалаврын зэрэгтэй, англи хэлний мэдлэгтэй байх

Номын сан нь мэдээллийн салбарт өөрийн хэрэгцээг хангахын тулд ямар үйлчилгээг номын сангаас авч болох , нийгэмд номын сангийн гүйцэтгэх үүрэг ач холбогдолын хэрэглэгчдэд мэдүүлэхийн тулд олон нийтийн дунд өөрийн үйлчилгээгээ сурталчлах ёстой байдаг.

Ажлын байрны зорилго нь : Номын сангийн үйлчилгээнд судалгаа шинжилгээ хийх, бүтээгдэхүүн үйлчилгээг хөгжүүлэх, нэвтрүүлэх үйл ажиллагааг удирдан зохион байгуулах, сурталчлах ажлыг хариуцан ажиллаж дараах үүргийг гүйцэтгэнэ.Үүнд:

1. Номын сангийн маркетингийн стратеги төлөвлөгөө, хөтөлбөр боловсруулах

2. Маркетингийн жил, сар, улирлын төлөвлөгөө боловсруулах, түүнийг хэрэгжүүлэх ажлыг зохион байгуулах, хяналт тавих

3. Маркетингийн судалгаа шинжилгээ хийж дүгнэлт гаргах

4. Шинэ үйлчилгээний талаар шаардлагатай маркетингийн судалгаа шинжилгээ хийж, дүгнэлт гаргах

5. Номын сангийн үйл ажиллагааг сурталчлах талаар бодлого боловсруулах, үйлчилгээг сурталчлах, түгээн дэлгэрүүлэх

5. Ном сэлбэн засагч

Шаардлага – номын санч мэргэжилтэй, бакалаврын зэрэгтэй байх.

Ажлын байрны зорилго: Төв болон салбар номын сангийн фондын урагдаж гэмтсэн номыг хэвлэлтийн анхны болон анхны хэлбэртэй адилхан хэлбэрт оруулж сэлбэн засах, тогтмол хэвлэлийг дэвтэрлэж дараах ажил үүргийг гүйцэтгэнэ.Үүнд:

1. Урагдаж гэмтсэн ном материалд их, дунд, бага засвар хийх

2. Урагдсан тасарсан хуудсыг нөхөж хийх

3. Урагдсан номын хавтсыг солих

4. Сонинг нэгжлэн үдэж / сараар/ дэвтэрлэх

5. Сэтгүүлийг дэвтэрлэх / сараар/

6. Шаардлагатай номонд оёо хийж хавтаслах

7. Номын сангийн маягт, бүртгэлүүдийг хэвлэх

8. Номын сангийн санхүүгийн болон бусад баримт бичгүүдийг үдэж хавтаслах

Нийслэлийн засаг дарга бөгөөд Улаанбаатар хотын захирагч Г.Мөнбаяр танаа

2011-06-08T16:51:00.000+08:00

2011.03.09
27 тоот

1 дүгээр номын сангийн тухай

Тус номын сангийн харьяа Горькийн нэрэмжит 1 дүгээр салбар номын сангийн үйл ажиллагааг улсын байцаагчийн 2009 оны 03 дугаар сарын 09-ний өдрийн 06/372/59 тоот актаар зогсоосон байсан бөгөөд 97,1 сая төгрөгийн барилгын засварын зураг төслийг хийлгэсэн. Энэхүү санхүүжилт олдоогүйн улмаас дахин зөвхөн сантехникийн засвар үйлчилгээний зураг төсөв хийлгэж, 38 сая төгрөгийн өртөгтэй засварын ажлыг “Түрүү гарав” ХХК-аар 2010 оны 4 дүгээр улиралд хийлгэж дуусган улмаар улсын байцаагч хүлээн авсан боловч дээд давхрын айлуудын сантехникийн шугамаас ус алдсан хэвээрээ байна.

Тиймээс Нийслэлийн мэргэжлийн хяналтын газарт 2011 оны 01 дүгээр сарын 17-нд тус номын сангийн үйл ажиллагааг явуулах, эсэхэд дүгнэлт гаргуулахаар 02 тоот албан бичгийг өгсөн бөгөөд улсын байцаагчийн актаар тогтоосон зөрчлүүд арилаагүй тул ажиллуулах боломжгүй гэсэн хариу ирсэн болно.

Иймд цаашид үйл ажиллагаагаа хэвийн явуулах асуудлыг шийдвэрлэж өгнө үү.

Хавсралт ..... хуудастай.

ЗАХИРАЛ Ө.ГАН-ӨЛЗИЙ

НИЙСЛЭЛИЙН ЗАСАГ ДАРГЫН ТАМГЫН ГАЗРЫН ДАРГА Ц.БОЛДСАЙХАН ТАНАА

2011-03-02T17:33:00.000+08:00

2011.03.02
24 тоот
Хамтран ажиллах хүсэлт

Нийслэлийн төр, захиргааны байгууллагын зүгээс 2011 оныг “Хөдөлмөр эрхлэлт-Хүний хөгжлийг дэмжих жил” болгон зарласантай уялдуулан тус номын сан нь “Мэдээллийн хүрэлцээ хангамжийг сайжруулан хүний хөгжлийг дэмжих жил” болгон ажиллаж байна. Нийслэлийн эдийн засаг, нийгмийн 2011 оны зорилтын 3 дугаар бүлгийн 3.6.2 дахь заалтын хүрээнд Нийслэлийн Засаг даргын Тамгын газартай хамтран ажиллах хүсэлтэй байгаа тул шийдвэрлэж өгнө үү.

Төслийг хавсралтаар хүргүүлэв.

Хавсралт ..... хуудастай.

ЗАХИРАЛ Ө.ГАН-ӨЛЗИЙ

УЛААНБААТАР ХОТЫН НИЙТИЙН ТӨВ НОМЫН САНД
ИНТЕРНЕТ, КОМПЬЮТЕРИЙН ТАНХИМ БАЙГУУЛАХ ТӨСӨЛ

Төсөл боловсруулах үндэслэл

Нийслэлийн эдийн засаг, нийгмийн 2011 оны зорилтын 3-р бүлгийн 3.6.2 зорилтот ажлын заалтанд тусгагдсан “Дүүргүүдийн Засаг даргын тамгын газарт байгууллага иргэдэд үнэгүй үйлчлэх интернэт, компьютерийн танхим байгуулна” ажлыг Д.Нацагдоржийн нэрэмжит Улаанбаатар хотын нийтийн номын сан нь хамтран зохион байгуулах хүсэлтэй байна.

Өнөөгийн нийтийн номын сан нь орон нутгийн иргэддээ уламжлалт цаасан ном хэвлэл, мэдээллээр үйлчлэхээс гадна мэдээллийн технологийг ашиглаж сурахад нь туслах орчин, мөн цахим мэдээллээр үйлчлэх орчин нь болжээ гэдгийг 2009 онд БНХАУ-ын Үндэсний номын сан, 2010 оны 5-р сард Словен улсын нийтийн номын сангууд, 2010 оны 10-р сард АНУ-ын Балтимор хотын нийтийн номын сангуудтай танилцах, дадлага хийсэн манай номын санчдын лекц сургалтаас тодорхой харагдаж байна.

2005, 2010 онуудад АНУ-ын нийтийн номын сангуудад очиж, үйлчилгээтэй нь танилцахад, Conference room, Meeting room, Training room гэсэн нэр хаягтай тусгай тохижуулсан өрөөнүүдэд олон нийтэд зориулсан уулзалт, ярилцлага, сургалтыг төрийн болон төрийн бус байгууллага, сайн дурын гишүүдийн оролцоотойгоор байнга, урьдчилан тохиролцсон хуваарийн дагуу төлбөргүй явагддаг болохыг олж мэдэж, туршлага судалсан.

Хүмүүсийн амьдралд мэдээллийн технологийн хэрэглээ улам нэмэгдэж буй өнөөгийн нөхцөлд хүмүүст амьдралынхаа үе шат бүрт шинэ техник технологи, шинэ үзэл санаа, шинэ арга дадал, чадварыг олж авах шаардлага бий болж байна. Нийт иргэдийг сургах, бие даан суралцах орчин нөхцөл нь орон нутгийн нийтийн номын сан болж, чухал үүргийг гүйцэтгэж байгааг хөгжилтэй орнуудын дээрх туршлага солилцсон аялалууд нотлон харуулахын зэрэгцээ Олон улсын номын сангийн холбооноос 2002 онд гаргасан, ЮНЕСКО-оор дэмжигдсэн Интернэт тунхаглал биднээс шаардаж байдаг.

Д.Нацагдоржийн нэрэмжит Улаанбаатар хотын нийтийн төв номын сангийн үндсэн үйл ажиллагаа нь уншигчдад ном хэвлэлийг уншлагын танхим, гэрээр, зөөврөөр олгохоос гадна

2005 оноос хойш 6 компьютер дээр төлбөргүй интернэт мэдээллээр үйлчилж байгаа, мөн төлбөргүй интернэтийн мэдлэг олгох сургалт зэргийг зохион байгуулж байгаа, 2008 оны 12 сараас хойш Ситинэт ХХК-аас 10 жилийн хугацаатайгаар төлбөргүй интернэтэд холбогдсон зэрэг нь бидний ажлын туршлага, сүлжээ хангагдсан байгааг харуулна.

Тус номын сан анх 1980 онд байгуулагдахдаа уншигч үйлчлүүлэгчид болон нутаг дэвсгэрийн иргэдэд зориулан зохион байгуулах соёл олон түмний ажил, хурал цуглаан зохион байгуулах 100 хүний суудалтай хурлын танхим байсан ч зах зээлийн системд шилжсэн 1990-ээд оны үеэс эхлэн тус өрөөг бизнесийн байгууллагуудад түрээслэж, үндсэн зориулалтаар ашиглалгүй өнөөдрийг хүрсэн. Мөн анх байгуулагдсанаас хойш тус өрөөнд барилгын их засвар ороогүй цонх, хана, шал, хаалгыг шинэчлэх ажил орхигдсоноос элэгдэж хуучирсан.

Хотын нийтийн төв номын сан нь уншигч, хэрэглэгч, иргэдэд зориулсан төлбөргүй компьютер, интернэтийн танхимаа дээрх 100 хүний багтаамжтай зааландаа зохион байгуулах, улмаар энэ зааландаа олон нийтэд зориулсан уулзалт, ярилцлага, сургалтыг зохион байгуулах хүсэлтэй байна.

Хотын нийтийн төв номын санд байгуулагдан ашиглагдах иргэд, байгууллагуудад зориулсан төлбөргүй интернэт компьютерийн танхимын үйлчилгээний үр дүнд суурилан, бусад ЧД, ХУД, БЗД, СХД дэх салбар номын сангууд дээр ийм танхимыг байгуулах боломжтой.

Мөн дараах нөхцөл байдлууд нь Хотын нийтийн номын сангуудад иргэд байгууллагад төлбөргүй үйлчлэх Компьютер-Интернэтийн танхимыг байгуулан ажиллуулахын давуу талуудыг харуулна. Үүнд:

Төслийн зорилго

Улаанбаатар хотын нийтийн төв номын санд иргэд, олон нийтэд зориулсан тэдний мэдээллийн технологийн мэдлэг, чадварыг дээшлүүлэх, сургах, мэдээллийн технологи ашиглан мэдээлэл олж авах, түгээх эрхийг нь хангаж өгсөн орчин үеийн техник, тоног төхөөрөмжийг суурилуулсан зориулалтын Интернэт, Компьютер, Уулзалтын танхим байгуулах.

Төслийг хэрэгжүүлэх үе шат

Төслийн зорилгыг биелүүлэхэд дараах ажлууд хийгдэнэ. Үүнд:

№	Хийгдэх ажлууд	Хариуцсан ажилтан	Хугацаа
1	Өрөөнд хийгдэх барилга сантехник, цахилгааны засварын ажлын төлөвлөгөө, төсвийг гаргаж батлуулах	Дэд захирал	2011 оны 3 сар эхний 10 хоног
2	Төлөвлөгөө, төсвийн дагуу барилга сантехник, цахилгааны засвар хийж өрөөг тохижуулах	Дэд захирал	2011 оны 3 сар эхний 10 хоног
3	Техник хэрэгсэлүүдийг худалдаж авах, суурилуулах	Дэд захирал МТ-ийн ажилтан	2011 оны 3 сар дунд 10 хоног
4	Интернэтийн сүлжээний кабель татаж, дэд дотоод сүлжээ байгуулах	МТ-ийн ажилтан	2011 оны 3 сар дунд 10 хоног
5	Тавилга тоног төхөөрөмжүүдийг худалдаж авах, байрлуулах	Дэд захирал ААҮТасгийн эрхлэгч	2011 оны 3 сар дунд 10 хоног
6	Интернэт компьютерын танхимыг олон нийт төлбөргүй ашиглах, олон нийтэд зориулсан төлбөргүй уулзалт сургалтыг явуулах журмыг боловсруулж, хэрэгжүүлэх	Захирал, Дэд захирал ОНҮТасгийн эрхлэгч	2011 оны 3 сар дунд 10 хоног

4. Төслийг хэрэгжүүлэхэд шаардлагатай төсөв

Төслийг хэрэгжүүлэхэд дор дурдсан төсөв шаардагдана:

№	Хийгдэх ажил	Тоо ширхэг	Нэгж үнэ (мян.төг)	Нийт үнэ (мян.төг)
1	Проектор: CasioXJ-A135 10000 цаг ажиллах чадалтай	1 ш	1,633.940	1,633.940
2	100 инчийн Projector Screen Таазнаас өлгөгдөж, сунадаг	1 ш	143.000	143.000
3	VGA cable /40м урт/	1 багц	48.400	48.400
4	Projector суурь /таазнаас өлгөдөг/	1 ш	33.000	33.000
5	YAMAHA Professional wireless microphone series	1 иж бүрдэл	1,000.000	1,000.000
6	Танхимын засвар, тохижилт	1 удаа	6, 520.800	6,520.800
7	Компьютерын ширээ	24ш	310.000	7,440.000
8	Компьютер	24ш	0	0
9	24-Port Gigabit Web Smart Switch	1ш	435.400	435.400
Дүн				17,254.54

5. Төслийг хэрэгжүүлэх хугацаа

Төслийг 2011 оны 3-р сараас эхлэн 1 сарын хугацаатай хэрэгжүүлнэ.

6. Төслийг хэрэгжүүлснээр хүрэх үр дүн

Уг төслийг хэрэгжүүлснээр дараах үр дүнд хүрнэ. Үүнд:

Нийтийн номын сангийн үйлчилгээнд шинэ орчин нөхцөл нэмэгдэж, орчин үеийн хэрэглэгчийн хэрэгцээ шаардлагыг хангана.

Олон нийтэд зориулсан төлбөргүй интернэт үйлчилгээ, сургалттай Интернэт-Компьютерийн танхимтай болно.

Номын сангаас төрийн болон төрийн бус байгууллага, иргэдтэй хамтран олон нийтэд зориулсан уулзалт, сургалтыг урьдчилан тохиролцсон хуваарийн дагуу явуулж хэвшинэ.

Нийслэлийн эдийн засаг, нийгмийн 2011 оны зорилтын 3.6.2 заалт биелэгдэх нөхцөл бүрдэнэ.

ТӨСӨЛ БОЛОВСРУУЛСАН:

ДЭД ЗАХИРАЛ Ч.АЛТАНЦЭЦЭГ

МТ-ИЙН МЕНЕЖЕР Ж.БЭГЗСҮРЭН

НИЙСЛЭЛИЙН САНХҮҮ ТӨРИЙН САНГИЙН ХЭЛТЭСТ

2011-03-02T17:29:00.000+08:00

2011.03.02
23 тоот
Жижиг мөнгөн сангаар мөнгө хүсэх тухай

Тус номын санд нярав ажилтай Наранбадрах овогтой Шинэгэрэл нь Улаанбаатар банкинд 4219 2610 1278 2071 тоот дугаартай картын эзэмшигч болсон тул манай номын санд жижиг мөнгөн сангаар 500,000 төгрөг олгож өгнө үү.

ЗАХИРАЛ Ө.ГАН-ӨЛЗИЙ

ЕРӨНХИЙ НЯ-БО Ц.САРАНТУЯА

НИЙСЛЭЛИЙН ЗАСАГ ДАРГЫН ТАМГЫН ГАЗРЫН ДАРГА Ц.БОЛДСАЙХАН ТАНАА

2011-03-02T17:27:00.001+08:00

2011.03.02
20 тоот
Компьютер хүсэх тухай

Тус номын сангийн компьютерийн хүрэлцээ хангамж муу байдгаас номын сангаас уншигч иргэдэд үзүүлэх интернет, электрон каталог зэрэг үйлчилгээнд хүндрэл учирч байна.

Иймд албан ажлын хэрэгцээнд 10 компьютер олгож өгнө үү.

ЗАХИРАЛ Ө.ГАН-ӨЛЗИЙ

БСШУЯ-НЫ БАРИЛГА ЗАХИАЛАГЧИЙН АЖЛЫН АЛБАНД

2011-03-02T17:24:00.002+08:00

2011.03.02
22 тоот
1 дүгээр номын сангийн тухай

Иймд цаашид үйл ажиллагаагаа хэвийн явуулах асуудлыг шийдвэрлэж өгнө үү.

Хавсралт ..... хуудастай.

ЗАХИРАЛ Ө.ГАН-ӨЛЗИЙ

НИЙСЛЭЛИЙН САНХҮҮ, ТӨРИЙН САНГИЙН ХЭЛТЭСТ

2011-03-02T17:22:00.000+08:00

2011.03.02
21 тоот
Төсөвт тодотгол хийлгэх тухай

Тус номын сангийн 2011 оны батлагдсан төсвөөрх нийт зардлын 70,9% нь цалин, Нийгмийн даатгалын шимтгэл, нэг удаагийн тэтгэмжийн зардал, 20,7% нь цахилгаан, дулаан, цэвэр бохир ус зэрэг тогтмол зардал, 6,2% нь ном хэвлэл авах зардал, үлдсэн 2,2% нь шуудах холбоо, тээвэр шатахуун, бичиг хэрэг, аж ахуйн материал авах, төлбөр хураамж бусад зардлууд эзэлж байна.

Төсөвт урсгал засвар, эд хогшил худалдан авах зардал төсөвлөгдөөгүй байна. Тус номын санд нэн тэргүүнд шийдвэрлэх зайлшгүй шаардлагатай зарим асуудлыг шийдвэрлэхэд шаардагдах мөнгийг 2011 оны төсвийн тодотголд оруулж өгнө үү.

ЗАХИРАЛ Ө.ГАН-ӨЛЗИЙ

САНХҮҮ ЭДИЙН ЗАСГИЙН САЙД С.БАЯРЦОГТ ТАНАА

2011-03-01T15:18:00.000+08:00

2011.01.26
08 тоот

Нийслэлийн нийтийн номын сангуудын төсвийн тухай

Улаанбаатар хотын нийтийн төв номын сан нь 1980 онд байгуулагдсан, 80 гаруй ажиллагсадтай, 4 салбар номын сан, 3 тасгийн зохион байгуулалттай, 400.0 мянга орчим мэдээллийн сан хөмрөгтэй, нийслэлийн соёл боловсрол мэдээллийн томоохон байгууллага юм.

Манай номын сангийн үндсэн үйл ажиллагаа нь хэрэглэгчдийг мэдээллээр хангах, боловсролыг түгээн дэлгэрүүлэхэд чиглэгддэг. Нийтийн номын сан нь үйл ажиллагаагаа хэвийн явуулахын тулд төрөөс жилдээ тодорхой хэмжээний төсвийн санхүүжилтийг хангалттай авах ёстой байгууллагын нэг билээ. Гэтэл зах зээлийн эдийн засгийн харилцааны он жилүүдээс эхлэн номын сангийн төсвийг бүрдүүлэхэд номын сангийн үндсэн үйл ажиллагаанаас санхүүжих гэсэн заалт орж ирэн энэ нь жилээс жилд нэмэгдсээр байгаа номын сангийн үндсэн үүрэг зорилт, үйлчилгээний бодлогыг алдагдуулж бизнесийн байгууллага мэт болгож, нийтийн номын сан нь ард иргэддээ төлбөргүй үйлчлэх үндсэн зарчмыг алдагдуулж байна. Манай номын сангийн төсөвт сүүлийн жилүүдэд 75.148,0 сая төгрөгийг өөрийн үйл ажиллагаанаас санхүүжүүлэх хуваарийг суулган өгч байгаагаас болж номын сан уншигч хэрэглэгчдэд үзүүлж байгаа үйлчилгээгээ хумиж, уншлагын танхим, ажлын өрөөнүүдийг түрээслэж, үндсэн үйлчилгээг төлбөртэй болгосон нь дэлхийн номын сангийн үйлчилгээнд хаа ч байхгүй гажуудлыг бий болгож байна.

Тус номын сан нь Олон улсын номын сангийн холбоо/IFLA/ , ЮНЕСКО-оос батлан гаргасан “Нийтийн номын сангийн үйлчилгээний удирдамж”-ийг үйл ажиллагаандаа хэрэгжүүлж ажиллахыг эрхэмлэдэг. IFLA/ЮНЕСКО-ийн нийтийн номын сангийн тухай тунхаглалд нийтийн номын сан үнэ төлбөргүй үйлчилгээ явуулах ёстой гэж заасан байдаг.

2010 оны Соёл урлагийн ажилтны өдрийг салбарынхаа хэмжээнд тэмдэглэж байх үед БСШУ-ны Сайд Ё.Отгонбаяр 2011 оноос соёл урлагийн байгууллагуудын үндсэн үйл ажиллагааны орлогыг тэглэх болсон сайхан мэдээг соёл урлагийн нийт ажиллагсдын өмнө хэлсэн билээ. Байгууллагууд ч сайдын хэлсэн энэ үг 2011 онд албан ёсоор хэрэгжинэ гэж тооцоолж байлаа. Гэтэл 2011 оны төсөв батлагдаж ирэхэд манай байгууллагад 75 сая төгрөгийн өөрийн үйл ажиллагааны орлого дахин тавигдаж ирсэн байна. Энэ талаар БСШУЯ-ны номын сангийн төсөв хариуцсан мэргэжилтэн Мөнхгэрэлд хэлэхэд 2011 оны 01 дүгээр сарын 03-ны өдөр “Танай байгууллагын орлогын төлөвлөгөө үнэхээр их байсан байна. Бид ярилцаад 30 сая төгрөгийг хасаж өгөх боллоо” гэж хэлсэн. Бид ч ард иргэддээ төлбөртэй үйлчилдэг үйлчилгээгээ хумихаар төлөвлөж түрээслэж байсан өрөө тасалгаагаа ч цөөлж үйлчилгээгээ өргөжүүлэхээр 2011 оны зорилт, хэрэгжүүлэх ажлын төлөвлөгөөндөө тусгаад байсан юм. Гэсэн хэдий ч нийслэлийн төрийн санд манай төсвийн хуваарилалтанд өөрийн үндсэн үйл ажиллагаанаас санхүүжүүлэх 75.148.0 сая төгрөг хасагдаагүй хэвээр ирсэн байгаа нь төрийн албаны хүмүүсийн ажлын хариуцлага, ам ажлын зөрүү ямархуу байгаа нь харагдаж байна.

Энэхүү үндсэн үйл ажиллагааны орлогын төлөвлөгөөнөөс болж нийтийн номын сангууд Монгол улсын Үндсэн хуулийн Хүний эрх, эрх чөлөө гэсэн 2 дугаар бүлгийн 16 дугаар зүйлийн 7 дугаар заалт "сурч боловсрох эрхтэй. Төрөөс бүх нийтийн ерөнхий боловсролыг төлбөргүй олгоно. Иргэд төрөөс тавих шаардлагад нийцсэн хувийн сургууль байгуулан ажиллуулж болно;" заалт, Монгол улсын Үндсэн хуулийн энэхүү 16 дугаар зүйлийн 7 дугаар заалт нь Хүний эрхийн түгээмэл тунхаглалын 26 дугаар зүйл дээр үндэслэсэн ба өнөөдөр дэлхий нийтээрээ бүх улс орнуудад нийтийн номын санг хүн бүр тэгш эрхтэй ялгаварлалгүй, ямар нэг хураамж төлбөргүй ашиглаж мэдлэг мэдээллийг хүртэж, түүнийг амьдрал ахуйдаа ашиглан улс орноо хөгжүүлж байна.

Манай улсын номын сангуудын үндсэн үйл ажиллагаанаасаа санхүүжиж байгаа өнөөгийн тогтолцоо нь ерөөсөө ядуу амьдралтай байгаа ард иргэддээ мэдлэг мэдээллийг чөлөөтэй төлбөргүй хүргэж, тэднийг соён гэгээрүүлж амьдралыг нь сайжруулах үйлчилгээг зохион байгуулахад үнэхээр хүндрэлтэй байна.

Хүний эрхийг зөрчдөг хэмээн хэлэгддэг БНХАУ-д хүртэл 2008 оноос музей, номын сангууд ард иргэддээ ямар ч төлбөргүй үйлчлэх болжээ.

Иймээс нийтийн номын сангийн дэлхий нийтийн өнөөгийн чиг хандлага, стандартыг судлан үзэж номын сангуудын үйл ажиллагаанаас олох орлогыг хасаж төсвийг нь төрөөс бүрэн санхүүжүүлж байхыг хүсэж байна.

ҮҮРЭГ ГҮЙЦЭТГЭГЧ

ДЭД ЗАХИРАЛ Ч.АЛТАНЦЭЦЭГ

БОЛОВСРОЛ СОЁЛ ШИНЖЛЭХ УХААНЫ САЙД Ё.ОТГОНБАЯР ТАНАА

2011-03-01T15:17:00.000+08:00

2011.01.26
07 тоот

Нийслэлийн нийтийн номын сангуудын төсвийн тухай

2010 оны Соёл урлагийн ажилтны өдрийг салбарынхаа хэмжээнд тэмдэглэж байх үед БСШУ-ны Сайд Ё.Отгонбаяр та 2011 оноос соёл урлагийн байгууллагуудын үндсэн үйл ажиллагааны орлогыг тэглэх болсон сайхан мэдээг соёл урлагийн нийт ажиллагсдын өмнө хэлсэн билээ. Байгууллагууд ч сайдын хэлсэн энэ үг 2011 онд албан ёсоор хэрэгжинэ гэж тооцоолж байлаа. Гэтэл 2011 оны төсөв батлагдаж ирэхэд манай байгууллагад 75 сая төгрөгийн өөрийн үйл ажиллагааны орлого дахин тавигдаж ирсэн байна. Энэ талаар БСШУЯ-ны номын сангийн төсөв хариуцсан мэргэжилтэн Мөнхгэрэлд хэлэхэд 2011 оны 01 дүгээр сарын 03-ны өдөр “Танай байгууллагын орлогын төлөвлөгөө үнэхээр их байсан байна. Бид ярилцаад 30 сая төгрөгийг хасаж өгөх боллоо” гэж хэлсэн. Бид ч ард иргэддээ төлбөртэй үйлчилдэг үйлчилгээгээ хумихаар төлөвлөж түрээслэж байсан өрөө тасалгаагаа ч цөөлж үйлчилгээгээ өргөжүүлэхээр 2011 оны зорилт, хэрэгжүүлэх ажлын төлөвлөгөөндөө тусгаад байсан юм. Гэсэн хэдий ч нийслэлийн төрийн санд манай төсвийн хуваарилалтанд өөрийн үндсэн үйл ажиллагаанаас санхүүжүүлэх 75.148.0 сая төгрөг хасагдаагүй хэвээр ирсэн байгаа нь төрийн албаны хүмүүсийн ажлын хариуцлага, ам ажлын зөрүү ямархуу байгаа нь харагдаж байна.

Хүний эрхийг зөрчдөг хэмээн хэлэгддэг БНХАУ-д хүртэл 2008 оноос музей номын сангууд ард иргэддээ ямар ч төлбөргүй үйлчлэх болжээ.

ҮҮРЭГ ГҮЙЦЭТГЭГЧ

ДЭД ЗАХИРАЛ Ч.АЛТАНЦЭЦЭГ

Нийслэлийн мэдээллийн технологийн газарт

2011-03-01T15:15:00.000+08:00

2011.01.18
03 тоот

Тус номын сан нь 2011 оноос танай байгууллагаас дараах мэргэжлийн туслалцаа, үйлчилгээг авах хүсэлтэй байна. Үүнд:

1. Ажиллагсдад албаны и-мэйл хаяг олгох, уншигч хэрэглэгчдэд и-мэйл хаягаар мэдээлэл түгээх зорилгоор pl.ub.gov.mn домайн хаяг дээрээ и-мэйл, и-мэйл листийн ү нээлгэх

2. Салбар номын сангуудаа нийслэлийн интернетийн суурь сүлжээнд холбуулах

3. Номын электрон каталог, номын сангийн вэбд суурилсан үйлчилгээний системийг ажиллуулах зорилгоор http://koha.pl.ub.gov.mn домайн нэрийг бүртгүүлэх

Хавсралт ..... хуудастай

ҮҮРЭГ ГҮЙЦЭТГЭГЧ

ДЭД ЗАХИРАЛ Ч.АЛТАНЦЭЦЭГ

НИЙСЛЭЛИЙН ИРГЭДИЙН ТӨЛӨӨЛӨГЧДИЙН ХУРАЛД

2011-01-13T14:31:00.000+08:00

2010.12.22
132 тоот

НИТХ-ЫН НИЙГМИЙН БОДЛОГЫН

АСУУДАЛ ЭРХЭЛСЭН ХОРООНД

Нийгмийн бодлогын хорооны 2010 оны 12 дугаар сарын 21-ний өдрийн хуралдаан дээр гарсан саналын дагуу дараах асуудлыг тодруулан танилцуулж байна.

1. Улаанбаатар хотын төв номын сангийн Чингэлтэй дүүрэг дэх А.М.Горькийн нэрэмжит нэгдүгээр салбар номын сангийн барилга болон цахилгааны засварыг хийж гүйцэтгэхэд шаардагдах зардал 59.127.100 төгрөг

2. Тус номын сангийн номын фонд баяжилтанд шаардагдах зардал 39.200.000 төгрөг тус тус шаардлагатай байгаа тул нийслэлийн төсөвт суулгаж өгч бидний ажилд гүн туслалцаа үзүүлнэ үү.

Шаардагдах зардлын саналыг хавсаргав.

Хавсралт ... хуудастай

Улаанбаатар хотын төв номын сангийн 2010 оны ..... дугаар сарын ...... -ний өдрийн ...... тоот албан бичгийн хавсралт №....

А.М.ГОРЬКИЙН НЭРЭМЖИТ I ДҮГЭЭР САЛБАР

НОМЫН САНГИЙН ЗАСВАРТ ШААРДАГДАХ ЗАРДАЛ

Улаанбаатар хотын төв номын сангийн харьяа А.М.Горькийн нэрэмжит 1 дүгээр салбар номын сангийн барилгын дотор засал, цахилгаан хангамжийн засвар, сантехникийн иж бүрэн капитал засвар хийлгэхээр 97,127,085 төгрөгийн зураг төсвийн ажлыг мэргэжлийн байгууллагаар хийлгэж БСШУЯ-д асуудлыг тавьснаар 2010 онд 38000.0 төгрөгөөр сантехникийн засвар хийгдэх төсөв батлагдаж ажил нь хийгдэж дуусаад байна. Одоогоор тус номын санд барилгын дотор заслын ажил, цахилгаан хангамжийн ажил хийгдэх шаардлагатай байгаа. Иймд анхны хийлгэсэн зураг төсөвт барилгын дотор засал, цахилгаан хангамжийн засварын ажлууд иж бүрэн тусгагдсан тул түүнийг хүргүүлэв.

Цаашид барилгын дотор засал, цахилгаан хангамжийн засвар хийхэд зураг төсөвт тусгагдсанаар 59,127,100 төгрөг шаардлагатай байна.

А.М.ГОРЬКИЙН НЭРЭМЖИТ 1 ДҮГЭЭР САЛБАР НОМЫН САНГИЙН

БАРИЛГЫН ЗАСВАРЫН АЖИЛ

Объектын төсөв

№	Ажил ба зардлын нэр	Төсөвт өртөг /мян.төг/
		Барилгын ажил	Тоног төхөөрөмж		Бүх төсөвт өртөг
		Барилгын ажил	Монтаж	Өртөг	Бүх төсөвт өртөг
1	2	3	4	5	6
1	Барилгын засвар	73260.32			73260.32
2	Дотор сантехник	3336.56			3336.56
3	№73 тоот айлд хийгдэх ажил	1689.56			1689.56
4	Дотор гэрэлтүүлэг	17341.41			17341.41
	Дүн	95627.85			95627.85
	Зураг төсвийн үнэ				1500
	Бүгд дүн				97127.85

УЛААНБААТАР ХОТЫН ТӨВ НОМЫН САНГИЙН

ФОНД БАЯЖИЛТАНД ШААРДАГДАХ ЗАРДАЛ

УБ хотын нийтийн номын сан нь 4 салбар номын сантай. Сүүлийн 5 жилд улсын төсвөөр жилдээ 30 гаруй сая төгрөгийн фондын баяжилт хийдэг байсан бол сүүлийн 2 жил номын баяжилтын төсөв батлагдаагүй. Харин энэ онд “номын тендер”- арга хэмжээ хэрэгжиж үүний хүрээнд 2007-2008 онд бүрдүүлэн авсан боловч мөнгө нь шилжээгүй байсан 96 нэрийн 871 ширхэг 14955.1 мянган төгрөгийн ном, 10 төрлийн 1342,8 мянган төгрөгийн хэвлэлийг БСШУЯ-наас олгосон санхүүжилтээр тус тус бүрдүүлэн авсан боловч 2009-2010 онд шинээр хэвлэгдэн гарсан ном хэвлэлийг авах төсөвгүй учир фондын баяжилт хийж чадаагүй. Энэ нь нийслэлийн 5 нийтийн номын сангийн 70000 гаруй уншигч хэрэглэгчдийн мэдээллийн эрэлт хэрэгцээг хангаж чадахгүй байна. Мөн мэдээллийн технологийн эрин зуунд ном хэвлэлийг хэвлэмэл байдлаас илүүтэйгээр электрон хэвлэлээр бүрдүүлэн авах хэрэгцээ шаардлага урган гарч байна.

Уншигч хэрэглэгчдээс авсан судалгаагаар төв болон салбар номын сангийн фондын баяжилтанд одоогоор 500 гаруй нэр төрлийн 4500 ширхэг 27.000.000 төгрөгийн шинэ ном, 180 нэр төрлийн 500 ширхэг 7.000.000 төгрөгийн урьд онуудад гарсан номыг нөхөн бүрдүүлэлтээр, 26 нэр төрлийн 5.200.000 төгрөгийн хэвлэлийг бүрдүүлэн авах шаардлагатай байна. Нийт номын баяжилтанд хүүхдийн ном зохиол, шинжлэх ухаан, танин мэдэхүй, уран зохиол, түүх, эдийн засаг, хуулийн чиглэлийн шинээр хэвлэгдэн гарсан ном хэвлэлийг хэвлэмэл болон цахим хэлбэрээр түлхүү бүрдүүлэн авахад 40 орчим сая төгрөгийн эх үүсвэр шаардлагатай байна.

2011.1.11 Интерпресс iNOM

2011-01-11T14:13:00.002+08:00

(1:48:04 PM) Interpress iNOM: Сайн байна уу
(1:49:30 PM) mcl_begee: сайн, сайн байна уу
(1:50:04 PM) Interpress iNOM: манай ажилчид номын санчаар бүртгэл нээж өгнө гэж байсандаа
(1:50:20 PM) Interpress iNOM: Ундрах гэдэг охин очиж нээлгэхээр боллоо
(1:50:31 PM) Interpress iNOM: бямбадорж нь больсоон
(1:50:33 PM) mcl_begee: хэн нь ч байсан яахав ээ,
(1:50:42 PM) Interpress iNOM: аан за баярлалаа
(1:50:45 PM) mcl_begee: Бэгзсүрэн гээд миний нэрийг хэлээд явуулчихаарай, би
(1:50:53 PM) Interpress iNOM: ок за тэгье
(1:51:02 PM) mcl_begee: өнөөдөр 15 цагаас өөр газар ярилцлаганд
(1:51:03 PM) mcl_begee: явна
(1:51:16 PM) mcl_begee: иргэний үнэмлэх, ажлын үнэмлэхээ авчраарай
(1:51:22 PM) Interpress iNOM: аан за маргааш явуулья аа
(1:51:36 PM) mcl_begee: өнөөдөр байвал та нарт дээр биш үү
(1:51:46 PM) mcl_begee: одоо цаг байна шүү дээ, холоос ирэх бол ч хэцүү л дээ
(1:52:00 PM) Interpress iNOM: аан манайх ч хол л доо
(1:52:06 PM) Interpress iNOM: маргааш явуулья аа хө
(1:52:11 PM) mcl_begee: мэдлээ

Номын сангийн дэмжигч

2011-01-07T17:44:00.002+08:00

(5:39:26 PM) m_a_n_d_a_k_h: Hi. sain bnuu. Niitiin nomiin sangiin Begzee ah mon biz de. Bi news.mn-d setguulch hiij bga. Nomiin san, olon niitiin arga hemjeeniihee medeeg ogwol ogj bgarai, site-ndaa gargaj bj bolii shu. Enhmandah
(5:41:29 PM) mcl_begee: баярлалаа, www.pl.ub.gov.mn-ээс таалагдсан мэдээ, мэдээллээ шууд тавьж байж болно
(5:40:43 PM) m_a_n_d_a_k_h: oka.