Tuesday, August 31, 2010

ИНТЕРПРЕСС ХХК-Д

2010-08-31
96 тоот

                                                  ИНТЕРПРЕСС ХХК-Д

Хамтран ажиллах санал хүргүүлэх тухай


Танай хамт олны эхлүүлэхээр төлөвлөж байгаа цахим номын худалдаа, үйлчилгээг Улаанбаатар хотын нийтийн номын сан талархан хүлээж авч байгаагаа юуны өмнө илэрхийлье.
Д.Нацагдоржийн нэрэмжит Улаанбаатар хотын нийтийн төв номын сан нь 1980 онд байгуулагдсан бөгөөд өнөөдрийн байдлаар ЧД, ХУД, БЗД, СХД-үүдэд салбар номын сангуудтайгаар нийслэлийн иргэдэд ном хэвлэл, мэдээллээр үйлчлэхийн зэрэгцээ соёл танин мэдэхүйн арга хэмжээг тогтмол явуулж байна.
1998 оноос эхлэн мэдээллийн технологийн ололтуудаас Хотын төв номын сан дээрх үйлчилгээндээ ашиглаж эхэлсэн ба өнөөдрийн байдлаар уншигчдад зориулсан төлбөргүй интернэт үйлчилгээний  6 компьютер, номын электрон каталогийн 5 компьютераар үйлчилж байна.
1.    Танай компанийн нэрэмжит Цахим уншлага үйлчилгээг туршилтаар 2-4 компьютер дээр эхлүүлэх хүсэлтэй байна. Энэхүү цахим уншлагын үйлчилгээ нь номын сангийн үүдний танхимд байрлаж, номын сангийн уншигч төдийгүй жирийн иргэд төлбөргүй ашиглах боломжтой байхаар зохион байгуулагдана.
2.    Танай компанийн Цахим номуудын санг нэмэгдүүлэхэд Хотын нийтийн төв болон салбар номын сангуудын фондод байгаа ховор, дахин хэвлэгдээгүй, эрэлт ихтэй, 1-2 хувь ширхэгтэй номуудын судалгааг хамтын ажиллагааны гэрээний дагуу бэлтгэж өгөх боломжтой.
3.    Танай компанийн Цахим номуудын каталогийн мэдээллийг  Хотын нийтийн төв номын сангийн Электрон каталогт нэмж бүртгэх, эсвэл холбох арга хэмжээг хамтран хэрэгжүүлье.
4.    Хотын нийтийн төв номын санд байрлуулсан Цахим уншлага үйлчилгээний  компьютеруудаар үйлчлүүлсэн уншигчдын тоон мэдээ, уншигдсан номуудын судалгааг харилцан солилцох, улмаар уншигдсан номуудын түрээсийн төлбөрийг харилцан тохиролцох хүсэлтэй байна.
Бидний хамтран ажиллах саналуудыг хүлээн авч, нягтлан ярилцаж, тодорхой үр дүн гаргаснаар ард иргэдийн мэдээллийн эрэлт хэрэгцээг хангахад чухал үүрэг гүйцэтгэж, номын сангийн үйлчилгээг дэлхийн чиг хандлагатай нийцүүлэхэд туслаж чадна. Хамтран ажиллахыг хүсье.



ЗАХИРАЛ                             Т.МИЖИДДОРЖ

RE: Thank you for your grant application

Dear Begzsuren Jamsranjav,

Thank you again for your prompt reply here.
Luckily we managed to finish this without further actions from your side here.

We processed with application.
Thank you!
Marija

-----Original Message-----
Sent: Tuesday, August 24, 2010 3:31 AM
To: Marija Ralic
Subject: Re: Thank you for your grant application

Dear Marija Ralic,

>>> Thank you for your new message. Please, read at below:

----- Original Message ----
Sent: Mon, August 23, 2010 6:22:21 PM
Subject: RE: Thank you for your grant application

Dear Begzsuren Jamsranjav,

Thank you for your prompt reply here.
I just increased number of licenses to 11, since you have 11 PCs.

>>> This is good.

And very important note - I cannot see that you have pressed submit button - which is very important as a first step in approvals.

>>> Can you send me a special link?

Pls go again into the request and submit the application.
If you cannot preview and have some issue, pls do not hesitate to contacting me again.

>>> I logged to the page using my email, password and your invitation
>>>code to http://microsoft.cybergrants.com/up/umbrella/partner
>>> Then I see

Submitted Applications
Action: Project Title Application Date Application Amount View Licensed software for library service 08/18/10 $14,523.00
>>> What I should do, which link I can use to submit the application?
>>> Thank you for your advise and support,


Best,
Marija


>>> Sincerely Yours,
>>> J.Begzsuren


-----Original Message-----
Sent: Friday, August 20, 2010 3:26 AM
To: Marija Ralic
Subject: Re: Thank you for your grant application

Dear Marija Ralic,

Thank you for your calling to me to clarify our request.

Yesterday evening, I said, maybe I can add more software till 5.
But, now I made our decision, please, you can add more copies /or license/ of our requested 3 software.  You know we have 11 desktops and 1 server for public usage.

Thank you again for you understanding and support work,
Sincerely Yours, J.Begzsuren

----- Original Message ----
Sent: Thu, August 19, 2010 11:15:01 AM
Subject: Thank you for your grant application

Ulaanbaatar Public Library
Project Title
:  Licensed software for library service

Request ID:  4564792

Thank you for submitting your request to Microsoft.  Your application will be evaluated based on our contribution guidelines and focus areas.

I am the manager assigned to evaluate your request.  Please address future questions regarding your application to me at:

Marija Ralic at t-marali [et] microsoft.com

Thank you for your interest in partnering with us to build and strengthen our community.

Regards,

Marija Ralic
Community Affairs Coordinator CEE

KOHA Mongolian version development status and next step



Dear Bergsuren,

Thank you for your quick response of current status of KOHA.
Also happy to see the progress of KOHA Mongolia version through consortium.

It seems there is no serious problem with it.
But can you add one more column, next step or requirement in my revised form.
It will help me to understand more clear picture you need to have in the future with KOHA. 
 
Thank you.

Young Sik Kim 김영식
ICT/e-Government Advisor,

ICTPA (Information, Communications Technology and Post Authority), The Government of Mongolia 

Enerelees mendchilgee


Sain bn uu, Begzsuren,

Saihan amarsan uu? Ajil uils sain gedegt naidaj bn. Bi shan amraad irsen. Minii nohor Gollandad ajiltai bolood bid nar Amerikaas nuuj irsen. End yamar ch bsan 1 jil garui bolno.
Herev ta khamtran ajiillah sonirholtoi bgaa bol bi zovlogch mayagaar meddeg buh yumaa khuvaaltsmaar bn. Bid mongolyn nomyn sangiin sistemiig shinechlekh heregtei gedgiig bi ene zun medej avlaa.

Mendchilsen,

Enerel

Re: Alice in Mongolian language

Dear J. Begzsuren,
 
Thank you for your response. It is very encouraging.
 
The actual exhibit will be in October 2015. But there is much to do prior to that hence the early start.
 
This project will lead to a book on the translations of Alice's Adventures in Wonderland. Writers for the book are being asked for their essays in April 2011. Once the essays are in, a group of scholars will then evaluate how Alice was translated into more than 90 languages. This task alone is estimated to take a year. The book itself will be published in 2014. The reason for the wide gap in time is that the editors will have to work in some 90 languages. It is a big undertaking.
 
I would like to purchase a copy of both editions of Alice in Mongolian, both the 1972 and the 2002.
 
The writer on the Mongolian Alice will evaluate both editions according to the instructions attached. Finding a Mongolian scholar to write is key to this.
 
I will send you additional information if you request it.
 
Thank you, Jon Lindseth
 
 
In a message dated 8/30/2010 12:59:56 A.M. Eastern Daylight Time, mcl_begee@yahoo.com writes:
Dear Jon Lindseth,

Today we received your below email from Mrs. Bolormaa, a staff in the U.S. Embassy in Ulaanbaatar, Mongolia.

Now, we are trying to contact writers, and searching a article. In few days, we can send you detail contact.

By the way,
- when will be your an exhibition?
- how many copies and which edition is suitable for your exhibition? I sure, from our Ulaanbaatar Public Library OPAC, we can indicate there are 2 different editions or printed in 1972 and 2002. We'll try to find all edition and more copies.

Thank you for your answers and more detail information.
Sincerely Yours,
J.Begzsuren


Sent: Mon, August 30, 2010 10:33:37 AM
Subject: FW: Alice in Mongolian language

Dear Altaa egch, Begzee

Ene asuultand hariulj uguuuch plz.

Boloroo


This email is UNCLASSIFIED.


Sent: Tuesday, August 17, 2010 3:16 AM
Subject: Alice in Mongolian language

Lady or Gentleman,

I am writing a book on the translations of Alice's Adventures in Wonderland . It has been translated into Mongolian language.

I have an exhibition planned for New York along with the to be published book. Alice exists in more than 90 languages and so far I have over 80 essays being written.

I am looking for a copy of the Alice in Mongolian book and a Mongolian writer to write on Alice in Mongolia.

Can you point me to possible writers and sources for the book?

Thank you, Jon Lindseth

2010.08.31. Интерпресс компаниас

sain baina uu? 

Erhem Түвшинтогтох tanii amriig eren mendchilj baina

Tanii ene haygiig Begzsyren ugsen bolno

Interpress company Tsahim hevlen niitleliin alba baiguulan, tsahim nomiin san, delgyyr neeheer beltgej baina

manai nomnuudiin zagvariig http://www.interpress.mn/service/ebook haygaar orj tataj avaad yzej bolno

bidnii zorilgo bol nomiig unshigchdad oirtuulah, hyamd yneer hyrteemjtei bolgoh, zarim huuchin nomuudiig ynegyi heregluuleh bodlogo barina

Oyutan suragchid ih asuudag, nomiin sangiin fondond tso'on tootoi baigaagaas UNSHILTAND GARSAN BAINA hemeen hyleegddeg, bainga unshigchid asuuj baidag nomiin jagsaal gargaj ugch tuslana uu

Bid nomiin zohiogchidtoi ni uulzan, tsahim helbereer hevleh erhiin talaar tohiroltssonii yndsen deer tedgeer nomiig gargaj bolno



manai iNom-nii formatiin davuu chanaruud:

- hailt hiij bolno 
- shardlagatai huudsaa hevlej bolno
- audio bolood video file havsargaj bolno
- tsahim helbereer baigaa tul huudasnii too ih baih, ungut nom gargahdad hevleliin zardal usnu gej aih zyilgyi
- hed heden heleer zereg gargaj bolno (Decameron-ii jisheeg yzne yy)
- bichveriig ungu unguur ugch boloh tul unshigchid nuluuluh, togtoogdoh baidliig saijruulah bolomjtoi


Bidentei hamtran ajillaj tuslana gej naidaj baina

Hyndetgen yosolson

Battugs

Wednesday, August 25, 2010

НИЙСЛЭЛИЙН ХӨДӨЛМӨРИЙН ГАЗАРТ

2010-05-14
52 тоот


НИЙСЛЭЛИЙН ХӨДӨЛМӨРИЙН ГАЗАР
                                     

Хамтран ажиллах санал хүргүүлэх тухай

 Тус номын сан нь нийслэлийн хүн амыг ном, хэвлэл, мэдээллээр хангаж ажилладаг нийслэлийн соёл мэдээллийн төв байгууллага юм.
 Манай номын сан 2010 онд “Шинэ Улаанбаатарын  мэдээллийн төв” болох зорилт дэвшүүлэн ажиллаж байгаа бөгөөд энэ ажлын хүрээнд төрийн мэдээллийн эх үүсвэрээр иргэдэд үйлчлэх ажлыг нийслэлийн нутгийн захиргааны байгууллагуудтай хамтран зохион байгуулж байна.
Манай номын сангийн байнгын уншигч үйлчлүүлэгчдийн дийлэнх нь оюутан залуус байдаг бөгөөд тэднийг  хөдөлмөр эрхлэлт, ажлын байрны талаар байнгын мэдээллээр хангах шаардлагатай байна.
Манай номын сан нь 5 дугаар сарын 20-нд “Ажлаа танилцуулах өдөр”-ийг зохион байгуулах гэж байгаа тул энэ өдөр дээрх ажлыг хамтран хийж эхлүүлэх саналтай байна.

  
ЗАХИРАЛ                             Т.МИЖИДДОРЖ

САНГИЙН ЯАМНЫ ТӨРИЙН САНГИЙН ГАЗАРТ

2010-05-12
49 тоот


        САНГИЙН ЯАМНЫ
ТӨРИЙН САНГИЙН ГАЗАРТ


Монгол банкин дахь Төв төрийн сангийн 3332400- /USD/  тоот дансаар Голландын Rabobank-наас  манай номын санд хэрэгжих “Establishment of DAIZY Digital Talking Books Center” төслийн 29990 USD шилжиж ирсэн тул  Хотын төв номын сангийн Нийслэлийн төрийн сан банкны 200015011 тоот дансанд Монгол банкны тухайн өдрийн ханшаар шилжүүлж өгнө үү. 

  
ЗАХИРАЛ                               Т.МИЖИДДОРЖ

ҮНДЭСНИЙ НОМЫН САНД

2010-04-22
42 тоот


ҮНДЭСНИЙ НОМЫН САНГИЙН ЗАХИРГААНД

     Фондоос ном хасах тухай
       
      Тус номын сан нь 1980 онд байгуулагдсан ба 1986 онд УБ хотын 15 гаруй  нийтийн номын сангуудыг нэгтгэн төвлөрүүлж манай номын санд харьяалуулсан билээ.
      Улс орон зах зээлийн эдийн засгийн тогтолцоонд шилжсэн шилжилтийн 1990-ээд оны үед тус номын сангийн салбар том, жижиг 10 орчим номын санг татан буулгаж фондын 300 мянга  орчим номыг тус номын санд шилжүүлж, байруудыг  хураан авсан юм.
      Татан буугдсан номын сангуудын фондын ном хэвлэлийг төв номын санд шилжүүлэн авчирснаар фондын байр багтаамж, хадгалалт хамгаалалтын асуудалд үнэхээр их хүндрэл учирсан.
     Бид дээрх фондоос уншигч хэрэглэгчдэд эрэлт хэрэгцээ ихтэй, ховор, цөөн  хувьтай ном хэвлэлийг ялган авч уншлага үйлчилгээнд ашиглаж байгаа боловч тухай үеийн нийгмийн хэрэгцээ шаардлагад нийцүүлэн бүрдүүлж байсан учир утга агуулгаар хуучирсан, сэлбэн засах боломжгүй, хэрэгцээ хангахгүй ном товхимол их байна.
      Сангийн сайд, БСШУ-ны сайдын 2006 оны 357/406 тоот тушаалын хэрэгжилтийг ханган 2008 оноос төв болон салбар номын сангуудын ном хэвлэлийг дахин үнэлэх, данс бүртгэлийг шинэчлэн хөтлөх өргөн цар хүрээтэй ажлыг хийж дуусган одоо тайлан тооцоог гаргаж  байна.
      Энэ явцад Соёлын сайд, Сангийн сайдын 1994 оны 83/97 тоот тушаалаар батлагдсан “Номын сангийн  ном, хэвлэлийн бүтээгдэхүүнийг худалдах, солилцох, худалдан авах, данснаас хасах журам”-ыг үндэслэн татан буугдсан хүүхдийн болон бусад номын сангуудын утга агуулгаа алдсан, 10-аас дээш хувьтай, уншигчдын хэрэгцээ хангахгүй 26270 ширхэг 2,696,0 мян. төгрөгийн монгол, 54197ширхэг 2,074,2 мян. төгрөгийн орос болон гадаад, нийт 80467 ширхэг 4,770,8 мян.төгрөгийн ном товхимолын жагсаалт, тооллогын комиссын дүгнэлт, акт гаргасан.
      Иймд дээрх ном хэвлэлийг манай номын сангийн данснаас хасаж, фондын эргэлт ашиглалт, хадгалалт хамгаалалтын асуудлыг сайжруулах зөвшөөрөл олгож манай ажилд гүн туслалцаа үзүүлнэ үү.
      Данснаас хасах номын жагсаалтыг хавсаргав.
      Хавсралт......... хуудастай.     

            

                               ЗАХИРАЛ                      Т. МИЖИДДОРЖ

ГАНДАНТЭГЧИНЛЭН ХИЙДИЙН ИХ ХАМБА Д.ЧОЙЖАМЦ ТАНАА

2010-04-15
38 тоот


ГАНДАНТЭГЧЛЭН ХИЙДИЙН
          ИХ ХАМБА  Д.ЧОЙЖАМЦ ТАНАА

          Лекц уншуулах тухай

         Монголын Бурхан шашны төв, Гандантэгчлэн хийдийн тэргүүн, их хамба Д.Чойжамц танаар лекц уншуулах хүсэлтийг манай уншигч, ажилчдын зүгээс удаа дараа тавьж байна. Уншигч, ажилчдынхаа энэхүү хүсэлтийн дагуу 04 дүгээр сарын 19-ний өдрийн 14 цагаас нэг цагийн хугацаатай “Монголын уламжлалт ёс заншил” сэдвээр лекц уншиж, манай ажилчдад адис хүртээж, ном уншиж өгнө үү хэмээн урьж байна. 

            Жич: Бакула Ринбүүчи багшийн шашны сургууль анх манай номын санд нээгдэж байсан бөгөөд Бакула багшийг Төв аймгийн Бүрэн, Өндөрширээт сумын хийдүүдэд айлчилж, ном айлдахад тус номын сангийн захирал миний бие хамт явж байсан юм. Цаашид манай номын сан Монгол-Төвд номын уншлагын танхим нээн ажиллуулах зорилгоор хүмүүсийн гар дээрээс 300 гаруй судар худалдаж аваад байна. Иймд Монголын Бурхан шашны төв, манай номын санд Ганжуур, Данжуурын иж бүрэн ботийг худалдан авч залахад гүн туслалцаа үзүүлнэ үү.
      
       
                               ЗАХИРАЛ                      Т. МИЖИДДОРЖ

НИЙСЛЭЛИЙН ГАЗРЫН АЛБАНД

2010-04-09
36 тоот

    НИЙСЛЭЛИЙН ГАЗРЫН АЛБАНД
  
Улаанбаатар хотын төв номын сангийн 2 дугаар  салбар номын сан нь Хан-Уул дүүргийн 2 дугаар хороо, Жаргалант үйлчилгээний төвд байрладаг. Тиймийн тул салбар номын сангийн өргөдөл, кадастрын зургийг үндэслэн тус салбар номын сангийн газрыг баталгаажуулан гэрчилгээ олгож өгнө үү.  
Өргөдөл, кадастрын зургийг хавсаргав.

Хавсралт . . . хуудастай


                                     ЗАХИРАЛ                               Т.МИЖИДДОРЖ

НИЙСЛЭЛИЙН ГАЗРЫН АЛБАНД

2010-04-09
35 тоот

НИЙСЛЭЛИЙН ГАЗРЫН АЛБАНД
  
Улаанбаатар хотын төв номын сан нь Сүхбаатар дүүргийн 2 дугаар хороо, Сөүлийн гудамжинд байрладаг. Тиймийн тул номын сангийн өргөдөл, кадастрын зургийг үндэслэн Хотын төв номын сангийн газрыг баталгаажуулан гэрчилгээ олгоно уу.  
Өргөдөл, кадастрын зургийг хавсаргав.

Хавсралт . . . хуудастай


ЗАХИРАЛ                               Т.МИЖИДДОРЖ

Monday, August 23, 2010

МОНГОЛ КОНТЕНТ ХХК-Д

 2010-05-06



 45 тоот 
                                                                                                         
                                                                                                  МОНГОЛ КОНТЕНТ ХХК-Д

 Хамтран ажиллах тухай

Танай хамт олны эхлүүлсэн цахим номын үйлчилгээг Улаанбаатар хотын нийтийн номын сан талархан хүлээж авч байгаагаа юуны өмнө илэрхийлье.
Д.Нацагдоржийн нэрэмжит Улаанбаатар хотын нийтийн төв номын сан нь 1980 онд байгуулагдсан бөгөөд өнөөдрийн байдлаар ЧД, ХУД, БЗД, СХД-үүдэд салбар номын сангуудтайгаар нийслэлийн иргэдэд ном хэвлэл, мэдээллээр үйлчлэхийн зэрэгцээ соёл танин мэдэхүйн арга хэмжээг тогтмол явуулж байна.
1998 оноос эхлэн мэдээллийн технологийн ололтуудаас Хотын төв номын сан дээрх үйлчилгээндээ ашиглаж эхэлсэн ба өнөөдрийн байдлаар уншигчдад зориулсан төлбөргүй интернэт үйлчилгээний  6 компьютер, номын электрон каталогийн 5 компьютераар үйлчилж байна.
1.    Танай компанийн нэрэмжит Цахим уншлага үйлчилгээг туршилтаар 2-4 компьютер дээр эхлүүлэх хүсэлтэй байна. Энэхүү цахим уншлагын үйлчилгээ нь номын сангийн үүдний танхимд байрлаж, номын сангийн уншигч төдийгүй жирийн иргэд ашиглах боломжтой байхаар зохион байгуулъя.
2.    Танай компанийн Цахим номуудын санг нэмэгдүүлэхэд Хотын нийтийн төв болон салбар номын сангуудын фондод байгаа ховор, дахин хэвлэгдээгүй, 1-2 хувь ширхэгтэй номуудыг хамтын ажиллагааны гэрээний дагуу цахим хэлбэрт шилжүүлүүлж, олон нийтэд хэрэглүүлье.
3.    Танай компанийн Цахим номуудын каталогийн мэдээллийг  Хотын нийтийн төв номын сангийн Электрон каталогт нэмж бүртгэх, эсвэл холбох арга хэмжээг хамтран хэрэгжүүлье.
4.    Цахим номын вэбийг social чиглэлээр хөгжүүлэхэд санал бодлоо тусгах хүсэлтэй байна. Ингэснээр номын санч, шүүмж бичигч нар номын тухай тойм бичих, улмаар twitter, facebook, biznetwork гэх мэт social вэбүүдээр дуртай номын мэдээллээ түгээх боломжтой болно.
5.    Хотын нийтийн төв номын санд байрлуулсан Цахим уншлага үйлчилгээний  компьютеруудаар үйлчлүүлсэн уншигчдын тоон мэдээ, уншигдсан номуудын судалгааг харилцан солилцох, улмаар уншигдсан номуудын түрээсийн төлбөрийг харилцан тохиролцох хүсэлтэй байна.
Бидний хамтран ажиллах саналуудыг хүлээн авч, нягтлан ярилцаж, тодорхой үр дүн гаргаснаар ард иргэдийн мэдээллийн эрэлт хэрэгцээг хангахад чухал үүрэг гүйцэтгэж, номын сангийн үйлчилгээг дэлхийн чиг хандлагатай нийцүүлэхэд туслаж чадна. Хамтран ажиллахыг хүсье.

  
ЗАХИРАЛ                             Т.МИЖИДДОРЖ

НИЙСЛЭЛИЙН ЗАСАГ ДАРГА Г.МӨНХБАЯРТ

2010-08-20
92 тоот 

НИЙСЛЭЛИЙН ЗАСАГ ДАРГА БӨГӨӨД УЛААНБААТАР ХОТЫН ЗАХИРАГЧ Г.МӨНХБАЯР ТАНАА


             Нийслэлийн нийтийн
 номын сангуудын тухай

         Манай номын сан нь 1980 онд байгууллагдсан бөгөөд 30 жилийн ойгоо 10 сард тэмдэглэхээр НИТХ-ын тогтоол гарч, олон төрлийн бүтээлч ажлуудыг зохион байгуулж  байна.
Улаанбаатар хотын нийтийн төв номын сан нь 3 тасаг, салбар 4 номын сангийн бүтэц зохион байгуулалттай, төвлөрсөн байдлаар  номын сан-ном зүйн үйлчилгээг  нийслэлийн хүн амд хүргэдэг нийслэлийн  боловсрол соёл мэдээллийн томоохон төв байгууллага билээ. Номын сан нь 450.0 мянга гаруй номын фондтой жилдээ 250.0 мянган уншигч үйлчлүүлэгчдэд 607.9 мянга гаруй ном хэвлэл, бусад материалыг уншлагын танхимаар, зөөврөөр, гэрээр болон солилцоогоор олгож  үйлчилж байна.
        Манай улс орон зах зээлийн эдийн засгийн харилцаанд шилжсэн шилжилтийн хүнд үеүдэд нийгмийн бусад салбарын нэгэн адил хүндрэл бэрхшээл амссан салбар бол номын сангийн салбар байсан. Гэвч сүүлийн жилүүдэд төр засгийн оновчтой бодлого, энэ салбарт үнэнчээр бие сэтгэлээ зориулж байдаг мэргэжлийн хүмүүсийн хүчин зүтгэлээр өнөөдөр номын сангийн салбарт тодорхой амжилт, ахиц дэвшилүүд гарч байна. 
Манай номын сангийн удирдлага, мэргэжлийн ажилтнууд нийслэлийн нийтийн номын сангуудын үйл ажиллагааг боловсронгуй болгох, дэлхийн жишигт хүргэх, мэдээлэлийн технологийг номын сангийн үйлчилгээнд ашиглах, түүгээр дамжуулан шинэлэг үйлчилгээнүүд бий болгох,  ингэснээр нийслэлийн иргэдийнхээ мэдлэг боловсрол, чадварыг дээшлүүлэх, тэднийг бүтээлчээр хөгжүүлэх, амьдралыг нь сайжруулах, улмаар улс орныхоо хөгжилд хувь нэмрээ оруулахад ихээхэн санаачлага чармайлт  гаргаж ажилласны үр дүнд тодорхой амжилт үр дүнд хүрч байна.
Энэ онд  манай номын сангийн ажилтнууд  Билл Гейтсийн сан, eIFL.net олон улсын байгууллагаас зарласан “Public library innovation program” төслийн уралдаанд хараагүй хүмүүст зориулсан DAISY /электрон/ ном  хийх төсөл боловсруулан оролцож 49 орны 324 төслөөс шилдэг 12 төслийн нэгээр шалгаран одоо уг төслийг хэрэгжүүлж байна.
Манай номын сан 1994-2009 онуудад Азийн сан, МННХ Соросын сан,   Австралийн хөгжлийг дэмжих сан, Канадын олон улсын судалгааны төв, Азийн хөгжлийн банк, АНУ-ын ЭСЯ, Дэлхийн Зөн зэрэг олон улсын байгуулагуудтай хамтран ажиллаж, хөтөлбөр төсөл хэрэгжүүлэн номын сангийн фондын баяжилтыг сайжруулах, номын сангийн үйлчилгээг автоматжуулах, лавлагаа мэдээллийн онлайн үйлчилгээ, интернэт үйлчилгээ зэрэг номын сангийн үйлчилгээнд мэдээллийн технологийг нэвтрүүлж нийслэлийн иргэдийг мэдээлэл олж авах нөхцөлөөр хангах олон шинэлэг үйлчилгээг зохион байгуулж байна.
Өнөөдөр дэлхийд иргэн нь хэр их мэдлэг мэдээлэлтэй байна тэр хэмжээгээрээ улс орноо хөгжилд хөтөлдөгийг дэлхийн хөгжилтэй улс орнуудын жишиг хандлага харуулж байна.
Тэгээд ч нийгмийн амьдрал улам нарийн болж буй өнөөгийн нөхцөлд хүмүүст амьдралынхаа үе шат бүрт шинэ мэдлэг мэдээлэл, шинэ үзэл санаа, шинэ арга дадал, чадварыг олж авах шаардлага бий болж байна. Энэ үйл явцад нийтийн номын сан чухал үүргийг гүйцэтгэж байгааг хөгжилтэй орнуудын туршлага нотолж харуулж байна.
Өнөөдөр боловсролын салбарын хөгжилд номын сангийн гүйцэтгэх үүрэг асар их болж байгаа ба мэдлэг мэдээллийг  нийгэмд түгээх хамгийн чухал байгууллага бол номын сан болохыг дэлхий нийтээр хүлээн зөвшөөрч байна.
Номын сангийн салбарыг цаашид олон улсын номын сангийн стандартад нийцүүлэн хөгжүүлэхэд төр засгийн бодлого зохицуулалт, дэмжлэг туслалцаа зайлшгүй шаардлагатай тулгамдсан дараах асуудлууд байна. Үүнд:
  
Нэг.  Нийслэлийн нийтийн номын сангийн харьяалалын тогтолцоог хотын харьяанд бүрэн шилжүүлэх шаардлага зүй ёсоор тавигдаж байна.
Олон улсын жишгээр нийтийн номын сангууд нь тухайн орон нутгийн удирдлагад бүрэн харьяалагдаж төсөв хөрөнгө, үйл ажиллагааг орон нутгийн захиргаа бүрэн хариуцаж, орон нутгийн хүн амыг мэдээллээр бүрэн хангадаг орон нутгийн алба байна. Өнөөдөр Улаанбаатар хотын нийтийн төв номын сан нь хоёрдмол удирдлагатай байгаагаас энэ хоёр байгууллагын дунд нь орхигдох явдал их байна. Энэ нь нэг талаас номын сангийн санхүү, төсвийг БСШУЯ шийдвэрлэж нийслэл рүү шилжүүлэх, гэтэл  номын сангийн өмч хөрөнгө нь нийслэлийн өмчид харьяалагдаж  байгаа тогтолцоо нь номын сангийн үйл ажиллагаанд ихээхэн хүндрэл учруулж байна.
         Номын сангуудын төсөв санхүүжилтийн өнөөгийн тогцолцоо, өөрийн үйл ажиллагааны орлогын төлөвлөгөө зэрэг нь Олон улсын номын сангийн холбоо, ЮНЕСКО зэрэг байгууллагуудаас батлан гаргасан номын сангийн стандарт, номын сангийн үйлчилгээ ард иргэддээ төлбөргүй байх үндсэн зарчмыг ноцтой зөрчиж, үйлчилгээний гажуудлыг бий болгоод байна. Тухайлбал: Улаанбаатар хотын төв номын сангийн оны төсвийг БСШУЯ-аас батлан өгөхдөө үйл ажиллагаанаас олох орлогыг жил бүр өсгөн нэмэгдүүлсээр өнөө жил  2010 оны төсвийг 399,597.0 мянган төгрөгөөр баталсан. Батлагдсан төсвөөрх нийт зардлын 75% нь цалин НДШ-ийн зардал, 23% нь цахилгаан, дулаан, ус гэх мэт ажиллагааны зардал, үлдсэн 3% нь бичиг хэрэг аж ахуй, бусад зардалд зарцуулагдахаар төсөв батлагддаг бөгөөд нийт төсвийн 19% буюу 75 сая төгрөг нь өөрийн үйл ажиллагааны орлогоос санхүүжүүлэхээр төсөвлөгдсөн байдаг. Номын сангийн материаллаг баазыг сайжруулах, жижиг засвар үйлчилгээнүүд хийх, ажиллагсдыг бүтээлч санаачлагыг өрнүүлж шагнаж урамшуулах, тодорхой хэмжээнд нийгмийн асуудлыг шийдвэрлэх, ном сэлбэн засах зэрэг бичиг хэрэг аж ахуйн зардалуудад бараг төсөвгүй байна. Энэ орлогыг олохын тулд бид бүхий л үйлчилгээгээ төлбөртэй болгох, өрөө тасалгаагаа түрээслэх замаар орлого олж түүнийхээ 60%-ийг Нийслэлийн өмчийн газарт хураалгаж байна. Энэ нь эцэстээ ерөөсөө ядуу байгаа ард иргэддээ мэдлэг мэдээллийг чөлөөтэй, төлбөргүй хүргэж амьдралыг нь сайжруулахад үнэхээр хүндрэлтэй байна.

Хоёр. Тус номын сан нь одоогийн байдлаар Монголд номын сангийн зориулалтаар баригдсан ганц номын сан юм. Иймээс номын сангийн уншлагын танхим, бусад өрөө тасалгаанд байгалийн гэрэлтүүлэг стандартад тавигдах шаардлагын хэмжээнд байсан. Номын сангийн уншлагын заал өрөө тасалгаануудад байгалийн гэрэлтүүлэг муутай болох гол шалтгаан нь Хотын төв номын сангийн үүдний хэсгийг “Сэтгэл зүйн мөрөөдөл” ТББ-д түрээсээр эзэмшүүлэх тухай Нийслэлийн Засаг даргын 2007 оны 2 дугаар сарын 1-ний өдрийн 44 тоот захирамж, Нийслэлийн хөрөнгө оруулалтыг хянан баталгаажуулах комиссын 2007 оны 3 дугаар сарын 28-ны өдрийн 02/12 дугаар тогтоолоор барилгын ажлыг эхлүүлж үүдний хэсэгт барилга бариад байна.  
Энэ барилга нь уншлагын заал, вестибюль, зарим ажлын өрөө тасалгаануудыг байгалийн гэрэлтүүлэггүй болгосон төдийгүй, номын сангийн агааржуулалт, агаарын солилцоо, чийгшлийн хэмжээг багасгаж, номын сангийн гаднах өнгө үзэмжийг муутгаж улмаар номын сангийн орчны стандарт давхар давхар зөрчигдөж байна. Энэ асуудлыг тодруулж өгөх талаар 2007 оны 5 дугаар сарын 3-ны өдөр Нийслэлийн соёл урлагийн газарт албан бичиг өгсөн. Мөн Улсын Мэргэжлийн Хяналтын газрын соёлын асуудал эрхэлсэн улсын байцаагч Цэндсүрэнд асуудлыг маш дэлгэрэнгүй танилцуулж, шийдвэрлэж өгөх талаар хүсэлт гаргасан боловч тодорхой шийдвэр гараагүй өнөөг хүрсэн.
2009 онд НМХГ-аас тус номын санд хийсэн шалгалтаар номын сангийн үүдэнд баригдсан өргөтгөлийг барилгын улсын байцаагч болон соёлын улсын байцаагч нар шалгаж барилгын болон номын сангийн орчны стандарт ноцтой зөрчсөн мөн уг барилга өөрөө сууринаасаа эхлэн барилгын холбогдох бусад стандарт зөрчигдөж байна  гэж үзэн буулгахыг шаардсан боловч өнөөг хүртэл асуудал шийдвэрлэгдээгүй байна. Энэ өргөтгөл барилгад байгаа “Сэтгэлзүйн мөрөөдөл” төвтэй гэрээ байгуулан ажиллаж байгаа түрээсийн байгууллагуудын гаднах цэвэрлэгээ, хог тээвэрлэлтийн асуудлыг номын сан хариуцаж байгаа нь үнэхээр хэцүү хүндрэлтэй байна.
    Нийслэлийн өмчийн газар номын сангийн барилга байшинг засварлан сайжруулж, хамгаалахын оронд  эрх мэдлээрээ далайлган Сэтгүүлчдийн нэгдсэн эвлэлийг ямар ч төлбөргүйгээр  3 өрөө эзэмшүүлэн  цахилгаан дулаан усны зэрэг ажиллагааны зардлыг номын сан төлсөөр 6 жил болж байна. Төв номын сангийн үүдэнд номын сангийн орчны стандартыг зөрчин барилга бариулсан зэрэг  зохисгүй байдлууд гаргасаар байна.

Гурав.  Ном хэвлэлийн баяжилтын төсвийг  2009 онд бүр өгөөгүй, 2010 онд номын тендерээр өгөх болсон ч нэг номын санд 2,695.0 мян. төгрөг өгөх болсон нь ном хэвлэлийн үнэ өндөр болсон одоогийн нөхцөлд уншигчдад хэрэгцээтэй ном хэвлэлийг бүрдүүлэн авахад хүрэлцэхгүй болж байна. Одоогийн байдлаар энэ асуудал бас л шийдэгдээгүй байна.
     БСШУЯ нь нэг сая хүн амтай нийслэлийн номын санг номын фонд, үйлчилгээний цар хүрээгээрээ нийслэлийн нэг дүүргээс цөөн хүн амтай аймгийн номын сантай нийцүүлэн ном хэвлэлийн баяжилтын төсвийг шийдэж байгаа нь үнэхээр хармсалтай байна.
    Тухайлбал: Төв болон 4 салбар номын сан, харааны бэрхшээлтэй хүмүүсийн Ярьдаг номын төв зэрэг 6 тасаг салбарынхаа фондын баяжилтыг хийхэд энэ мөнгө үнэндээ хангалтгүй байна. Бид өмнө жилүүдэд 30 гаруй сая төгрөгөөр фондын баяжилт хийж байхад шаардлагатай номыг хангалттай авч чадахгүй уншигчдыг бухимдуулж байсан.

Дөрөв. Нийслэлийн Засаг даргын удаа дараагийн үйл ажиллагааны мөрийн хөтөлбөр, Нийслэлийн эдийн засаг нийгмийн сүүлийн 3 жилийн зорилтод манай номын сангийн харьяа дүүргүүдийн 4 салбар номын сангуудад автоматжуулалтын программ хангамж нэвтрүүлэх, интернэтийн сүлжээнд холбох зорилт тавьсан боловч одоо болтол төсөв санхүүгийн улмаас шийдвэрлэгдэхгүй хойшлогдсоор байна.

Тав. Улаанбаатар хот өнөөдөр дэлхийн олон хотуудтай ах дүүгийн барилдлага холбоотой хамтран ажиллаж олон арга хэмжээ зохион байгуулж байна. Энэ хамтын ажиллагааныхаа хүрээнд эдгээр хотуудын нийтийн номын сантай манай номын санг холбоо тогтоож хамтран ажиллах, харилцан туршлага судлах чиглэлээр гэрээ хэлэлцээртээ тусгаж, зочид төлөөлөгчид солилцоход номын сангаас хүн оролцуулж байх нь зүйтэй байна.

Зургаа. Номын санд өрх толгойлсон эмэгтэйчүүд олноор ажилладаг ба тэд өөрийн байр сууц, гэргүй амьдарч байна. Иймд ажиллагсдын нийгмийн асуудлыг шийдвэрлэхэд бодит туслалцаа үзүүлэх хэрэгтэй байна.

Иймд дээрх асуудлуудыг сайтар судлан үзэж холбогдох арга хэмжээнүүдийг яаралтай авч өгөхийг хичээнгүйлэн  хүсэж байна.


                                    ЗАХИРАЛ                           Т.МИЖИДДОРЖ


НИЙСЛЭЛИЙН СОЁЛ УРЛАГИЙН ГАЗАРТ

2010-08-21 
91 тоот 


НИЙСЛЭЛИЙН СОЁЛ УРЛАГИЙН   
                  ГАЗАРТ


Тус номын сан нь байгуулагдсаны 30 жилийн ойгоо энэ оны 10 дугаар сард тэмдэглэн өнгөрүүлэх тул номын санд олон жил үр бүтээлтэй ажиллаж, Монголын нийтийн номын сангийн хөгжилд үнэтэй хувь нэмрээ оруулсан ахмад номын санчид болон одоо ажиллаж байгаа номын санчдыг төрийн болон Монгол улсын Соёлын тэргүүний ажилтан цол тэмдгээр шагнуулах хүсэлтэй байна. Иймд шагнуулахаар тодорхойлж буй хүмүүсийн материалыг зохих дээд байгууллагад уламжилж өгнө үү.
Холбогдох материалыг хавсаргав.    

  

ЗАХИРАЛ                             Т.МИЖИДДОРЖ



ГААЛИЙН ЕРӨНХИЙ ГАЗАРТ

2010-06-24
81 тоот 

ГААЛИЙН ЕРӨНХИЙ ГАЗАРТ


             Хүсэлт гаргах нь
  
             Тус номын сан нь  Билл болон Меланда  Гейтсын сангийн санхүүгийн дэмжлэгтэй eIFL.net олон улсын байгууллагаас хэрэгжүүлэх харааны бэрхшээлтэй хүмүүст зориулан Дейзи форматтай дижитал ярьдаг номын төв байгуулах гэж байна. Энэ ажлын хүрээнд Улаанбаатар хот болон 21 аймгийн хараагүй хүмүүс  Дейзи ярьдаг номыг хуудас хуудсаар сонсох зориулалттай тусгай хэрэгцээний BookSense төхөөрөмжийг Солонгосын НIMS  Co. Ltd  компаниас худалдан авч байна.
             Иймд 42ш Booksense төхөөрөмжийг Гаалийн тариф, гаалийн татварын тухай хуулийн 38.1.1, Нэмэгдсэн өртгийн албан татварын тухай хуулийн 3-р бүлгийн 13.1.5-д заасны дагуу татвараас чөлөөлж өгөхийг хүсье.

  

ЗАХИРАЛ                           Т.МИЖИДДОРЖ


САНГИЙН ЯАМНЫ ЗЭЭЛ ТУСЛАМЖИЙН БОДЛОГО, ХАМТЫН АЖИЛЛАГААНЫ ГАЗРЫН ДАРГА Б.ХҮРЭЛБААТАР ТАНАА

2010-06-24 
80 тоот 
САНГИЙН ЯАМНЫ ЗЭЭЛ ТУСЛАМЖИЙН
БОДЛОГО, ХАМТЫН АЖИЛЛАГААНЫ ГАЗРЫН ДАРГА Б.ХҮРЭЛБААТАР ТАНАА


             Хүсэлт гаргах нь

  Тус номын сан нь дэлхийн хөгжиж байгаа болон шилжилтийн үеийн улс орнуудын нийтийн номын сангуудын дунд  Билл болон Меланда Гейтсын сангаас санхүүжин, eIFL .net олон улсын байгууллагаар дамжуулан хэрэгжүүлэхээр зарласан PLIP төслийн уралдаанд Улаанбаатар хот болон 21 аймгийн хараагүй хүмүүст Дейзи номоор үйлчлэх  Establishment of DAISY Digital Talking Books Center” төслийг боловсруулан оролцож шилдэг төслөөр шалгаран 30000 ам. долларын санхүүжилтийг авсан юм.
        Энэ төслийг хэрэгжүүлэхэд шаардлагатай хараагүй хүмүүс Дейзи номыг хуудас хуудсаар сонсох зориулалттай тусгай хэрэгцээний BookSense төхөөрөмжийг  Солонгосын HIMS Co.Ltd-аас худалдан авсан.
        Иймд 42 ширхэг BookSense төхөөрөмжийг Гаалийн тариф, гаалийн татварын тухай хуулийн 38.1.1, Нэмэгдсэн өртгийн албан татварын тухай хуулийн  3 дугаар бүлгийн 13.1.5-д заасны дагуу татвараас чөлөөлөх зөвшөөрөл олгож манай ажилд гүн туслалцаа үзүүлнэ үү.
        
Хамтран ажилласанд талархлаа илэрхийлье.

                                                        
ЗАХИРАЛ                           Т.МИЖИДДОРЖ


НИЙСЛЭЛИЙН АУДИТЫН ГАЗАРТ

 2010-06-22
НИЙСЛЭЛИЙН АУДИТЫН   
              ГАЗАРТ

  
  “Сэтгэл зүйн мөрөөдөл” ТББ-ын тухай

 Улаанбаатар хотын төв номын санд түрээсээр ажиллаж байгаа 11 байгууллагыг  Нийслэлийн өмчийн харилцааны газартай зохих журмаар гурвалсан гэрээг хийж, Өмчийн харилцааны газар/НӨХГ/-т гэрээний дагуу 11,224,000 төгрөг төвлөрүүлэхээр тохиролцсон.

Тус номын сан нь одоогийн байдлаар Монголдоо номын сангийн зориулалтаар баригдсан ганц номын сан юм. Иймээс номын сангийн уншлагын танхим, бусад өрөө тасалгаанд байгалийн гэрэлтүүлэг стандартад тавигдах шаардлагын хэмжээнд байсан. Номын сангийн уншлагын заал өрөө тасалгаанууд байгалийн гэрэлтүүлэг муутай болох гол шалтгаан нь Хотын төв номын сангийн үүдний хэсгийг “Сэтгэл зүйн Мөрөөдөл” ТББ-д түрээсээр эзэмшүүлэх тухай Нийслэлийн Засаг даргын 2007 оны 02 дугаар сарын 1-ний өдрийн 44 тоот захирамж, Нийслэлийн хөрөнгө оруулалтыг хянан баталгаажуулах комиссын 2007 оны 03 дугаар сарын 28-ны өдрийн 02/12 дугаар тогтоолоор барилгын ажлыг эхлүүлж үүдний хэсэгт барилга бариад байна. Энэ нь уншлагын заал, вестибюль, зарим өрөө тасалгаануудыг байгалийн гэрэлтүүлэггүй болгосон төдийгүй, номын сангийн агааржуулалт, агаарын солилцоо, чийгшлийн хэмжээг багасгаж, номын сангийн орчны стандарт давхар давхар зөрчигдөж байна. Энэ асуудлыг тодруулж өгөх талаар 2007 оны 05 дугаар сарын 3-ны өдөр Нийслэлийн соёл урлагийн газарт албан бичиг өгсөн. Мөн Улсын мэргэжлийн хяналтын газрын соёлын асуудал эрхэлсэн улсын байцаагч Цэндсүрэнд асуудлыг маш дэлгэрэнгүй танилцуулж, шийдвэрлэж өгөх талаар хүсэлт гаргасан боловч тодорхой шийдвэр гараагүй өнөөг хүрсэн.

2009 онд Нийслэлийн мэргэжлийн хяналтын газраас тус номын санд хийсэн шалгалтаар номын сангийн үүдэнд баригдсан өргөтгөлийг барилгын улсын байцаагч болон соёлын улсын байцаагч нар шалгаж барилгын болон номын сангийн орчны стандарт ноцтой зөрчсөн мөн уг барилга өөрөө суурьнаасаа эхлэн барилгын холбогдох бусад стандарт зөрчигдөж байна гэж үзэн буулгахыг шаардсан боловч өнөөг хүртэл асуудал шийдвэрлэгдээгүй байна.

-“Сэтгэл зүйн мөрөөдөл” ТББ нь 2010 оны 03 дугаар сараас эхлэн түрээсийн төлбөрөө төлөхөө бүрмөсөн зогсоосон. Энэ асуудлыг НӨХГ-тай ярилцаж тохиролцсон гэсэн хариу өгсөн бөгөөд НӨХГ ч түрээс авахгүй байлга гэсэн хариуг амаар мэдэгдсэн.
Холбогдох материалыг хавсралтаар хүргүүлэв.

Хавсралт ............ хуудастай

           
1 дүгээр хавсралт
Барилга байгууламжуудыг түрээсээр эзэмшүүлэх тухай Нийслэлийн засаг даргын захирамж
1
2 дугаар хавсралт
Нийслэлийн өмчийн хөрөнгө оруулалтыг хянаж баталгаажуулах комиссын тогтоол

1
3 дугаар хавсралт
Нийслэлийн соёл урлагийн газрын дарга Ц.Пүрэвхүүд явуулсан барилгын тухай албан бичиг
1
4 дүгээр хавсралт
Нийслэлийн өмчийн харилцааны газрын дарга “Сэтгэл зүйн мөрөөдөл” төвийн захиралтай байгуулсан түрээсийн гурвалсан гэрээ
5
5 дугаар хавсралт
“Сэтгэл зүйн мөрөөдөл” төвийн барилга баригдаж байх үеийн зураг
3
6 дугаар хавсралт
Нийслэлийн газрын албанаас “Сэтгэл зүйн мөрөөдөл” төвд түрээсийн гэрээгээр эзэмшүүлэх зөвшөөрөл олгосон тухай
1
7 дугаар хавсралт
Хотын төв номын сангийн тухай хэвлэлд
3
8 дугаар хавсралт
Хотын төв номын сан түрээсээр үйл ажиллагаа явуулж буй НӨХГ-тай гурвалсан гэрээ байгуулсан байгууллагуудын түрээсийн төлбөрийн товчоо
1





ЗАХИРАЛ                        Т.МИЖИДДОРЖ